Törek matbuğatına küzätü 10.06.2021
Qayber törek basmalarına küzätü
“Sabah” gazetı yazğança Törkiyä ilbaşı Räcäp Tayyip Ärdoğan Qırğızsan däwlät başlığı Sadır Caparov belän başqala Änkarada oyıştırğan matbuğat oçraşuında tübändägeçä citkerde: “Fetullaxçı terror oyışması FETÖ belän ber rättän terrorçılıqqa qarşı köräşne söyläştek. FETÖneñ ike ilneñ iminlegenä dä yanawı mäs’äläsendä urtaq fikerdä bez. İñne iñgä quyıp, bu yanawnı beteräçäkbez.”
“Xörriyät” basması beldergänçä Törkiyäneñ tışqı êşlär ministrı Mäwlüt Çavuşoğlu Amerika Quşma Ştatlarınıñ Liviya häm Süriyä mäs’äläsendä genä tügel, ä şul uq waqıtta Urta diñgezdän alıp Qara diñgezgä häm Qavqazğa qadär şaqtıy ölkädä Törkiyä belän xezmättäşlek başqarırğa teläwen belderde.
“AQŞ “Patriot” mäs’äläsendä garantiya birmi ikän, qalğan berlektäşlärebezdän dä hawa saqlanu sistemasın ala alabız,” – dide ministr.
“Star” gazetı citkergänçä AQŞ matbuğatında urın aluçı ber mäqalädä Süriyäneñ tön’yağında separatist PKK/YPG terror oyışmasına kürsätelgän yärdämneñ Törkiyä belän mönäsäbätlärdä zur problema tudıruı äytelä.
Mäqalädä tübändäge yullar urın ala: “AQŞ ilbaşı Djo Baydennıñ bu mäs’älädä qıyu adımı ike yaqlı mönäsäbätlärne möhim ülçämdä yaxşırta ala.”
“Watan” basması xäbärenä kürä Törkiyäneñ milli suğış oçqıçı başqala Änkarada oyıştırılğan texnologiya yärminkäsendä urın ala. Berençe tapqır kürsätelgän oçqıçqa qarata qızıqsınu zur. Milli suğış oçqıçınıñ angardan 2023tä çığuı planlana.
“Xäbär türk” gazetı yazğança Sälamätlek saqlaw ministrı Faxrettin Koca Törkiyädä koronaviruska qarşı şaqtıy vakŝina proyektınıñ däwam itüen, bersendä soñğı êtapka kilülären belderde.
“Kiläse atnada cirle vakŝinabıznıñ soñğı fazasında üzixtıyarıylarğa vakŝina yasayaçaqbız. Törkiyä vakŝinası soñğı êtapta,” – dide ul.
