Төрeк мaтбугaтынa күзәтү - Törek matbuğatına küzätü 01.06.2021

1нче июньдә бaсылып чыккaн кaйбeр төрeк гaзeтлaрынa күзәтү / 1nçe iyündä basılıp çıqqan qayber törek gazetlarına küzätü

1649602
Төрeк мaтбугaтынa күзәтү - Törek matbuğatına küzätü 01.06.2021

“Yäni Şafak” gazetı: "Böten kön kommendant säğäte ber köngä töşte"

İlbaşı Räcäp Tayyip Ärdoğan kabinet cıyılışınnan soñ yasağan belderüendä iyün’ ayı belän bergä uramğa çığu tıyularınıñ atna êçendä häm şimbä könne säğät 22:00dä başlanaçağın, atna azağında isä şimbä könne 22:00dän düşämbe irtänge säğät 05:00kä qadär tulı kön kommendant säğäte bulaçağın citkerde. Ärdoğan aşaw-êçü tarmağı belän bergä berniçä urınnıñ yäkşämbedän tış irtänge 07:00dän kiçke tuğızğa xätle xezmät birä alaçağın belderde.

 

“Xörriyät” gazetı: "Çavuşoğlunnan AQŞ açıqlawı"

Tışqı êşlär ministrı Mäwlüt Çavuşoğlu: "(AQŞnıñ yaña citäkçelegendä) Tağın da yaxşıraq mönäsäbättä bulu ğayräte bar. “S-400”lärne qullanmaw täq’dime qabul itelmäslek. “S-400” mäs’äläsendä AQŞ tarafınnan yomşaw yuq”, - dip belderde. Çavuşoğlu AQŞ İlbaşı Djo Baydennıñ: “İlbaşıbızğa telefonnan sez dä teläsägez bez sezneñ belän yaqınnan êşlärgä telibez, ämma bulğan problemalarıbıznı xäl itüebez kiräk”, - dip äytüen citkerde.

 

“Xäbär Türk” gazetı: "NATO törek xärbilärenä soqlandı"

Rumıniyada ütkärelgän häm 26 ildän 30 meñnän kübräk personal qatnaşqan “NATO Steadfast Defender Europe 2021” xärbi künegülärenä quşılğan törek xärbiläre NATOnı soqlandırdı. NATO törek ğaskäriläre qorğan qır aş bülmäse, yuınu urını häm bädräflärneñ çistalığın maqtadı.

 

“Sabah” gazetı: "Dön’ya “Kargu-2” keşesez hawa apparatların söyläşä"

Berläşkän Millätlär Oyışması äzerlägän yaña xisap Törkiyädä êşläp çığarılğan “Kargu-2” keşesez hawa apparatlarınıñ dönya tarixında berençelekne tormışqa aşıruın citkerde. Yasalma aqıl sistemasına iyä “Kargu-2”lärneñ Liviyada tüntäreleşçe Hafter köçlärenä qarşı ireşelgän ciñüdäge neçkälekläre dönya matbuğatında yaqtırtıldı.

 

“Star” gazetı: "Törkiyä berençe çirek üseşe belän OECD illäre arasında iñ öske urınnı aldı"

Törkiyä yılnıñ berençe çiregendä ireşkän ber yıllıq bazada 7%lıq citeşterüçänlege belän İq’tisadi xezmättäşlek häm üseş oyışması (OECD) illäre arasında iñ küp üskän il buldı.



Bäyläneşle xäbärlär