Төрeк мaтбугaтынa күзәтү - Törek matbuğatına küzätü 20.05.2021

20нче майда бaсылып чыккaн кaйбeр төрeк гaзeтлaрынa күзәтү / 20nçe mayda basılıp çıqqan qayber törek gazetlarına küzätü

1642450
Төрeк мaтбугaтынa күзәтү - Törek matbuğatına küzätü 20.05.2021

“Xörriyät” gazetı: "Böten Törkiyä ber tawış buldı!"

19nçı may Atatörekne iskä alu, Yäş’lär häm sport bäyräme mönäsäbäte belän watandaşlar kiçä säğät’ 19:19da täräzälärdän häm balkonnarğa çığıp kütärenke rux belän milli gimnnı başqardı. İlbaşı Räcäp Tayyip Ärdoğan da böten ildä ber ük waqıtta başqarılğan İstiklal (Bäysezlek) marşına, gimnğa Çankaya utarında milli sportçılar belän bergä quşıldı.

 

“Xäbärtürk” gazetı: "İlbaşı Ärdoğannan AQŞqa cawap: Nişlik, qul çabıyqmı?"

İlbaşı Ärdoğan Fälästindäge ütereşlär mäs’äläsendä Amerika Quşma Ştatları däwlät departamentınıñ reakśiyağa kitergän belderüenä cawap birep: "Dön’yağa demokratiya, keşe xoquqları, xoquq, ğadälät, irek, iminlek wäğazen birüçe oyışmalar häm däwlätlär isä bu zolımnı tınıp qına qarap toralar. Bezgä dä: “Ärdoğan bu räweşle söyläşmäskä tiyeş”, - dip äytälär. Närsä êşlik, qul çabıyqmı?", - dip belderde.

 

“Yäni Şafak” gazetı: "Tışqı êşlär ministrlığınnan AQŞqa reakśiya"

AQŞ däwlät departamentınıñ İlbaşı Ärdoğannı İzrailneñ ütereşlärenä qarata kisken reakśiya kürsätüen antisemitizm belän gäyepläwenä Tışqı êşlär ministrlığı kisken reakśiya kürsätte. Yasalğan belderüdä AQŞ nigezsez gäyepläwlär urınına İzrailneñ höcümnären tuqtatırğa çaqırılıp: "İlbaşıbızğa qarata gäyepläwlärneñ bötenesen dä kire qağabız”, - dip äytelde.

 

“Star” gazetı: "Ministr Blaşçaktan dulqınlandırğan törek keşesez qorallı hawa apparatları yazması"

Ukrainadan soñ Pol’şa kügendä dä Törkiyäneñ keşesez hawa apparatı belän keşesez qorallı hawa apparatları bulaçaq. “BAYRAKTAR TB2”neñ fotosüräten sośial’ media akkauntınnan urtaqlaşqan Pol’şa saqlanu ministrı Mariuş Blaşçak: "Tizdän yaxşı xäbär kiläçäk. Bezne küzätep barığız," – dip äytte.

 

“Sabah” gazetı: "Alman matbuğatı “TCG Anadolu” turında yazdı: “Dön’yada berençe bulaçaq!”"

Törkiyäneñ cirle häm milli berençe oçqıç köymäse “TCG Anadolu” avianoseśı, aviayörtkeçe bu yulı Germaniya matbuğatınıñ iğ’tibarın cälep itte. Keşesez qorallı hawa apparatı texnologiyası belän oçqıç köymäseneñ köçen dönya däräcäsendä berläştergän berençe aviayörtkeç “TCG Anadolu”nıñ texnik üzençäleklären yazıp çıqqan alman “Heise” bu texnologiyanıñ “TCG Anadolu”nıñ köçe belän berläşüeneñ törek ğaskären bäxässez räweştä köçäytäçägenä basım yasadı.



Bäyläneşle xäbärlär