Төрeк мaтбугaтынa күзәтү - Törek matbuğatına küzätü 30.04.2021

30нчы апрельдә бaсылып чыккaн кaйбeр төрeк гaзeтлaрынa күзәтү / 30nçı apreldä basılıp çıqqan qayber törek gazetlarına küzätü

1631538
Төрeк мaтбугaтынa күзәтү - Törek matbuğatına küzätü 30.04.2021

“Xäbär Türk” gazetı: “Ärdoğan: “Çitkä bäylelekne beteräbez””

İlbaşı Räcäp Tayyip Ärdoğan soñğı 19 yılda saqlanu sänäğäten här ölkädä yuğarı texnologiyağa, tikşerenü häm qamilläşterügä nigezlängän cirle citeşterü belän kütärü öçen tığız tırışlıq sarıf itülären, başqarğan xezmätläreneñ, ayırıp quyğan çığanaqlarnıñ bärabärlegen ber-ber artlı aluların äytte. Ärdoğan: “Monnan arı oçqıç bombalarıbıznıñ, xärbi kiräk-yaraqlarnıñ, raketalarıbıznıñ häm boyegolovkabıznıñ şartlatqıçları ölkäsendä berkemgä dä bäyle bulmayaçaqbız”, - dip äytte.

“Xörriyät” gazetı: “Ärsin Tatar: “Möstäqillegebezne bäxäsläşügä açmıybız””

Şveyśariyanıñ Jeneva şähärendä Berläşkän Millätlär Oyışmasınıñ äydäp baruçanlığında Kipr tarafları häm garant illär Törkiyä, Greśiya häm Angliya qatnaşuında 5+1 formatındağı räsmi bulmağan Kipr temalı konferenśiya üz êşen tögälläde. Tön’yaq Kipr Törek Cömhüriyäte İlbaşı Ärsin Tatar ilenen möstäqillegen bäxäskä açmayaçaqların, härkemneñ monı qabul itüeneñ kiräk buluın äytte. Tatar: “Xoquqlarıbıznı saqlarğa däwam itäçäkbez”, - dip äytte.

“Watan” gazetı: “İstanbul aêroportı yılnıñ berençe dürt ayında Awrupada lider”

Awrupa hawa navigaśiyası qurqınıçsızlığı oyışmasınıñ (Eurocontrol) mäğ’lümatlärenä kürä, 1nçe ğinwar-28nçe aprel’ waqıt sızığında İstanbul hawa mäydanı 63 meñ 64 oçış belän Awrupanıñ iñ küp reyslar başqarılğan aêroport buldı. İstanbul hawa mäydanın êşlätüçe İGAnıñ sośial’ media akkauntlarınnan yasalğan belderüdä isä: “Bez dönyanıñ aviaśiya üzäge bularaq çıqqan şuşı yulda 2021nçe yılnıñ berençe 4 ayında Awrupada lider bez”, - dip äytelde.

“Yäni Şafak” gazetı: “Germaniyanıñ yal bron’larında Antaliya berençe urında”

Antaliya säwdä häm sänäğät palatası başlığı Davut Çätin Awrupada yaña tör koronavirusqa (Kovid-19ğa) qarşı vakśinaśiyäläw sanının artuın, şuna kürä cäy aylarında hawa xäräkätendä artunı kötülären belderde. Çätin almannarnıñ (nemeślarnıñ) yal born’larında Antaliyanıñ berençe urında toruın, iyün’ öçen ömetle buluların äytte.

“Star” gazetı: “Törek êşquarları qamilläşterde. Öydä dä xätta küzlärne tikşerep bulaçaq”

Änkarada bertörkem yäş’ êşquar küz tikşerüen virtual’ çınbarlıq küzlege belän yasawğa mömkinlek birüçe texnologiya qamilläşterde. Törek iniśiatorları küz tikşerü cihazlarınıñ üzençäleklären sanaq programmasına äyländerep sanlı platformağa küçerde. Törkemneñ prototipın êşläp çığarğan 500 gramm awırlığında, portativ, yaraşlı bäyäle küzlek tradiśion häm qıybat cihazlar qullanılğan küzlärne tikşerü barışınıñ virtual’ çınbarlıq aşa başqarıluına mömkinlek buldırdı.



Bäyläneşle xäbärlär