Törek matbuğatına küzätü 08.04.2021
8 nçe aprel' könne basılıp çıqqan qayber törek gazetlarına küzätü
”Yaňa Şafak” gazetı Ukraina - Rusiya çik buyında kiyerenkelek dӓwam itkӓndӓ Ukraina ilbaşı Vladimir Zelenskiynıň 10 nçı aprel’dӓ Törkiyӓgӓ kilӓçӓgen xӓbӓr itӓ. Sӓfӓr yuğarı dӓrӓcӓle strategik xezmӓttӓşlek şurası qısalarında tormışqa aşa. Ukraina liderın Törkiyӓ ilbaşı Rӓcӓp Tayyip Ӓrdoğan qabul itӓçӓk.
”Xörriyӓt” gazetı Törkiyӓ finans hӓm qazna ministrı Lütfi Êlvannıň G-20 illӓre ministrlar cıyılışında qatnaşuın belderep,”Üsep kilüçe illӓrneň torğızılu köçenӓ tuqtaldıq. Az keremle illӓrgӓ yӓrdӓm kürsӓtü öçen konkret qararlar qabul ittek “ dip ӓytkӓn süzlӓren uquçıları belӓn urtaqlaşa.
”Star” gazetı Germaniyӓneň “Frankfurter Allgemeine Zeitung” gazetında urın alğan xӓbӓrdӓ Törkiyӓneň avtomobil’ citeşterüçe şirkӓte TOGG êşlӓp çığaraçaq avtomobil’neň “iň aqıllı “maşina bulunı garantiyӓlӓp Tesla, Volkswagen hӓm başqa potensial’ köndӓşlӓrenӓ qarşı toraçağı turında yazıluın citkera.
”Vatan" gazetı yazğança, Törkiyä transport häm asqorma ministrı Adil Karaismailoğlu Türksat 5A iyärçeneneñ maynıñ berençe atnasında 31 däräcä könçığış orbitasına barıp citäçägen belderde. “Türksat 5B êlemtä iyärçenebezne bıyılnıñ dürtençe çiregendä oçırtaçaqbız,”-dide ministr.
“Sabah” gazetı Törkiyӓdӓ koronavirus êpidemiyӓsendӓ barlıq saqlıq çaraları kürelgӓn hawa mӓydannarında bıyılnıň berençe 3 ayında 18 millionğa yaqın yulçığa xezmӓt kürsӓtelüen hӓm barlığı 238 meň 448 oçqıç xӓrӓkӓte tormışqa aşuın citkerӓ.
