Törek matbuğatına küzätü 01.03.2021

Qayber törek basmalarına küzätü

1592537
Törek matbuğatına küzätü 01.03.2021

“Xäbär türk” gazetı yazğança İlbaşı idaräseneñ Didjital’ üzgärü ofisı başlığı Ali Taha Köç Google, Amazon, Facebook, Apple, Microsoft kebek texnologiya şirkätläre êkvivalentların Törkiyädä  yasawnı maqsat itülären äytte.

Xäbärdä başlıq Koçnıñ tübändäge süzläre urın ala: “Törkiyäneñ mäğlümatları Törkiyädä qalaçaq. Monıñ öçen cirle êşlänmälärneñ ayıruça soŝial’ çeltärlär yäisä xäbärläşü häm videokonferenŝiya quşımtalarınıñ cirle êkvivalentların yasarğa tırışabız.”

“Xörriyät” basması beldergänçä Angliyada 17 maydan başlap ingliz watandaşlarına xalıqara säyäxät irekle bulaçaq. Muğlanıñ tanılğan Marmaris, Bodrum häm Fethiye rayonnarı - ingliz turistlarınıñ yaratqan urınnarı.

Xäbärgä kürä turizm agentlıkları häm qunaqxanälärneñ räsmi zatları Şotlandiya, Tön’yaq İrlandiya, Uêl’s häm Angliyane üz êçenä aluçı Böyekbritaniyadağı xalıqara tur operatorlar belän küreşä başladı.

“Yeni Şafak” gazetı koronavirus kizüe arqasında 3,5-4% tiräse üsüe kötelgän dön’yaküläm iqtisadnıñ 4,3%ka kimüen yaza.

Xäbärdä G20 illäre arasında barı tik Törkiyä häm Qıtaynıñ üsüe urın ala.

“Star” basması Baykar şirkäte ğomüm mödire süzlären uquçıları belän urtaqlaşa: “İñ möhim maqsatıbız – Akıncı höcüm itüçe qorallı keşesez hawa apparatınnan soñ Törkiyägä keşesez xärbi oçqıçlarnı qazandıru. Keşesez xärbi oçqıç öçen dizayn êtabında bez. Tawış tizlegendä oça alaçaq ul.”

“Watan” gazetı xäbärenä kürä Antaliyada töşerelüçe “Five Eyes” fil’meneñ rejissyerı häm sŝenaristı Gay Riçi İstanbulğa säfäre qısalarında Ayasofiya cämiğı häm Topkapı sarayına bardı.

Gazet yazuınça Gay Riçi, aktrisa bulğan xäläl cefete Djeki Êynsli, aktyer Djoş Xartnet, prodyuser Ayvan Êtkinson, Worner Bross, rejissyer Djoş Berger häm Miramax ğomüm mödire Bil Bloktan toruçı wäkillek tarixi urınnar xaqında räsmi zatlardan mäğlümat aldı.



Bäyläneşle xäbärlär