Төрeк мaтбугaтынa күзәтү - Törek matbuğatına küzätü 22.01.2021
22нчe гыйнвaрдa бaсылып чыккaн кaйбeр төрeк гaзeтлaрынa күзәтү / 22nçe ğinwarda basılıp çıqqan qayber törek gazetlarına küzätü
“Sabah” gazetı: "Törkiyä iñ küp “Kovid-19” vakśinasın yasatqan berençe 10 il arasında"
Törkiyäneñ yaña tör koronavirus (Kovid-19) kizüe barışında häm xastaxanä xezmätläre belän häm dä vakśinaśiyäläwne planlaştıruı belän dönyağa ürnäk bulırğa däwam itä. “Kovid-19” vakśinäśiyäläwdä Törkiyä iñ küp privivka yasattırğan 10 il arasına kerde.
“Yäni Şafak” gazetı: "Çavuşoğlu: “Törkiyä-Awrupa Berlege mönäsäbätlärendä uñay atmosferanıñ buldırıluı möhim”"
Bryussel’dä oçraşular ütkärgän Tışqı êşlär ministrı Mäwlüt Çavuşoğlu: "Törkiyä-Awrupa Berlege mönäsäbätlärendä uñay atmosferanıñ buldırıluı möhim. Monıñ daimi buluı öçen anıq adımnar zarur”, - dip äytte.
“Star” gazetı: "Albaniyadan Ärdoğanğa jest"
Albaniyadan polifonik muzıka törkeme İlbaşı Räcäp Tayyip Ärdoğan öçen tradiśion cırnı başqardu. “Youtube”ta urnaştırılğan äsärdä Törkiyäneñ häm İlbaşı Ärdoğannıñ Albaniyağa öleşe häm açıq yärdäme turında süz bara, Laç häm Kurbin şähärlärendä salınğan zilzilä toraqları belän Fierdä tözelgän xastaxanä turında da añlatıla.
“Watan” gazetı: "“Bayraqtar” häm “Anka” bik yaqın waqıtta Awrupa küklärendä"
Sänäğät häm texnologiya ministrı Mustafa Varank, bigräk tä soñğı 5 yılda salınğan investiśiyälärneñ bik qısqa waqıtta Törkiyäne saqlanu sänäğätendä däwlär ligasına citkeräçägen belderep: “Şuña ışanam ki, Awrupa küklärendä dä Törkiyädän satıp alınğan “Bayraqtar”larnıñ häm “Anka”larnıñ oçuın küräçäkbez”, - dip äytte.
“Xäbärtürk” gazetı: "Ministr Dönmäz: “TANAP”tan bügengä qadär yaqınça 9.1 milliard kub metr gaz ağımı başqarıldı”"
Ênergetika häm tabiğıy çığanaqlar ministrı Fatih Dönmäz, Törkiyä belän Azärbaycannıñ ênergetikada xezmättäşlegeneñ ähämiyätle buluın belderep: "“TANAP”tan 2020nçe yılda 4 milliard 900 million kub metr buluı belän bergä bügengä çaqlı yaqınça 9 milliard 100 million kub metr gaz ağımı başqarıldı”, - dip äytte.
