Төрeк мaтбугaтынa күзәтү - Törek matbuğatına küzätü 28.12.2020
28нчe дeкaбрьдә бaсылып чыккaн кaйбeр төрeк гaзeтлaрынa күзәтү / 28nçe dekabr’dä basılıp çıqqan qayber törek gazetlarına küzätü
“Xörriyät” gazetı: "Akar: “Legal’ tämek itep kürenäçäklär”"
Milli saqlanu ministrı Hulusi Akar Liviyada tüntäreleşçe Hafterneñ Törkiyägä häm Törek qorallı köçlärenä qarşı äytkän süzläre belän bäyle bularaq: "Bu suğış cinayät’çese, üterüçe, qatıyl’ Hafter häm yaqlawçıları şunı belsen: törek törkemnärenä qarşı yasalaçaq nindi dä bulsa ber höcüm kereşüendä qatıyl’ Hafter törkemnäre här cirdä legal’ tämek bularaq kürenäçäk. Mondıy ber xäräkätne yasağannan soñ qaçaçaq urın taba almaslar. Şuña kürä härkem fikeren tuplasın”, - dip äytte.
“Yäni Şafak” gazetı: "Zäñgär Watan öçen cirle häm milli ciñel torpedo “ORKA” kilä"
İlbaşı idaräseneñ saqlanu sänäğäte räislegeneñ äydäp baruçanlığında Diñgez köçläre citäkçelegeneñ ciñel kategoriya torpedo ixtıyacın qanäğätländerü öçen “324 millimetr torpedo qamilläşterelüe (ORKA) proyektı başlatıldı. Töp podryadçiğı ROKETSAN bulğan ORKA belän bu ölkädäge çitkä bäylelek betäçäk.
“Star” gazetı: "Kön’yaq Kiprlı arxiyepiskop Hrisostomos: “Ärdoğan çın watanpärvär”"
Kön’yaq Kipr grek citäkçelegeneñ Grek pravoslaviye çirkäweneñ arxiyepiskopı 2nçe Hrisostomos kön tärtibenä qağılışlı bäyäläwendä İlbaşı Ärdoğannı da telgä aldı. Hrisostomos: "Törek liderı Ärdoğan yıllar buyı Törkiyäneñ arzan êşçe köçen qullanğan Awrupadan bügen “üç alğan” çın ber watanpärvär", - dip äytte.
“Sabah” gazetı: "Säwdä ministrı Ruhsar Päkcan söyeneçne citkerde: “Êksport maqsatı arttırıp ütälde”"
Säwdä ministrı Ruhsar Päkcan “Twitter” akkauntınnan urtaqlaşqan yazmasında: "2020nçe yıl êksportıbız 25nçe dekabr’däge kürsätkeçlärgä kürä 166 milliard dollar külämen uzıp programma maqsatı bulğan 165 milliard 900 million dollardan arttı”, - dip äytte.
“Xäbär Türk” gazetı: "Qurqınıçsız turizm sertifikatı 2021 sezonın da şäkelländeräçäk"
Törkiyäneñ dönyağa “sälamät häm qurqınıçsız yal” imidjın birüdä aktiv rol’ne üz östenä alğan Qurqınıçsız turizm sertifikatı programması 2021nçe yıl turizm sezonın da şäkelländeräçäk, formalaştıraçaq. Mädäniyät häm turizm ministrlığınıñ tanıtu ğomum mödire Timuçin Gülär: "Säyäxätne yaratuçılar bar närsädän êlek sälamät häm qurqınıçsız turizm ixtıyacın xis itä. Qurqınıçsız turizm sertifikatı programması häm cirle häm çit il säyäxätçelärenä ixtıyac toyğan şuşı ışanıçnı täq’dim itä. Qurqınıçsız turizm sertifikatı aldıbızdağı sezonda da cirle häm çit il turistları öçen bilgeläwçe bulırğa, ilebezne turizm ölkäsendä köndäşlektä üzgä itüen häm alğa çığaruın däwam itäçäk”, - dip äytte.
