Törek matbuğatına küzätü 07.12.2020

7nçe dekabr' könne çıqqan qayber törek gazetlarına küzätü

1540702
Törek matbuğatına küzätü 07.12.2020

Haber Türk” gazetı citkergänçä, Greśiyä kiyerenkelekne arttıra.

Törkiyä tışqı êşlär ministrlığı süzçese Hami Aksoy Greśiyä matbuğatında Törkiyäneñ Awrupa Berlege sammitı aldınnan Êgey häm Urta diñgezdäge xärbi êşçänlegen arttıruı turındağı xäbärlär belän bäyle sorawlarğa cawap birde. Ul monıñ çınbarlıqqa turı kilmäwen äytte. “Kiresençä, Greśiyä 20nçe oktyabr’dän birle Êgey häm Urta diñgezneñ könçığışında 24 xärbi çara ütkäräçägen belderep, regionda provokaśion häm kiyerenkelekne arttıruçı xärbi ğamällären däwam itä,”-dide Aksoy.

“Hürriyet” gazetı 28 operaśiyädä 58 terrorçınıñ täêsirsez xälgä kiterelüen yaza.

Törkiyä milli saqlanu ministrlığınnan kiçä yasalğan belderügä qarağanda, soñğı 1 ayda tormışqa aşırılğan 28 operaśiyädä 58 terrorçı täêsirsez xälgä kiterelgän.

“Sabah” gazetı “Borawlaw köymäse Kanuni xezmätkä äzer” dip xäbär itä.

Ênergetika häm qazılma baylıqlar ministrı Fatix Dönmäz Törkiyäneñ öçençe borawlaw köymäse bulğan Kanuninıñ Qara diñgezdä êşkä kereşäçägen belderde.

Star” gazetı yazğança, "İstanbul aêroportı Awrupada iñ küp säfär yasalğan aêroport buldı”.

Awrupa hawa navigaśiyäse qurqınıçsızlığı oyışması mäğ’lümatlarına qarağanda, İstanbul aêroportı 28nçe noyabr’ belän 4nçe dekabr’ arasında Awrupada iñ küp säfär yasalğan aêroport. 28nçe noyabr’dä -471, 29ında- 542, 30ında isä 496 säfär tormışqa aşırıp ul Awrupanıñ iñ aldınğı aêroportların uzıp kitte.

“Vatan” gazetı “Foçada sürpriz. Yaqınça 250 yıllıq” dip yaza.

İzmirneñ Foça rayonı tiräsendäge sulıqlarda 18nçe ğasır axırında batuı farazlanuçı korab tabıldı. Älege xärbi köymäneñ öleşläre kiñ mäydanğa taralğan. Anıñ qaysı ilneke buluı häm nindi maqsat belän qullanıluı açıqlanaçaq.



Bäyläneşle xäbärlär