Төрeк мaтбугaтынa күзәтү - Törek matbuğatına küzätü 25.11.2020
25нчe нoябрь көннe бaсылып чыккaн кaйбeр төрeк гaзeтлaрынa күзәтү / 25nçe noyabr’dä basılıp çıqqan qayber törek gazetlarına küzätü
“Xörriyät” gazetı: “Ärdoğan Putin belän Qarabaxnı söyläşte”
İlbaşı Räcäp Tayyip Ärdoğan Rusiyä däwlät başlığı Vladimir Putin belän telefon söyläşüen ütkärde. Ärdoğan häm Putin söyläşü waqıtında Törkiyä-Rusiyä arasındağı säwdä külämeneñ arttırıluı, Tawlı Qarabax, Süriyä häm Liviyadağı täräqqiyätlärğä tuqtalıp uzdı.
“Yäni Şafak” gaetı: “Törkiyä yulbasar tentügä mäydanda cawap biräçäk”
Tışqı êşlär ministrı Mäwlüt Çavuşoğlu, Könçığış Urta diñgezdä törek säwdä köymäseneñ xalıqara xoquqqa tiskäre räweştä tuqtatılıp, tentü ütkärelüenä reakśiya kürsätep: “Säwdä köymälärenä yulbasar kebek kerü xoquq bozudır. Mäydanda cawabın biräçäkbez, xoquqi häm säyäsi barışlarnı da küzätep baraçaqbız. Zarur bulğannı başqaraçaqbız. Xörmätle Däwlät başlığıbıznıñ boyırığı şuşı räweşle”, - dip äytte.
“Watan” gazetı: “Azärbaycan ğaskäre 27 yıl yaw astında bulğan Kälbäcärgä kerde”
Azärbaycan armiyası 27 yıl buyı okkupaśiya astında bulğan Kälbäcärgä kerde. Ärmänstanğa Kälbäcärdän kitü öçen tanılğan waqıt tämamlanğan bulsa, Azärbaycan saqlanu ministrlığı Azärbaycan ğaskäreneñ Kälbäcärgä kerüen belderde.
“Xäbär Türk” gazetı: “Azärbaycan xärbilärennän dönyağa keşelek därese”
Azärbaycan ğaskäriläre yawlap alınğan töbäklärdä qanunsız räweştä urnaştırılğan ärmän xalqınıñ töbäktän kitüenä yärdäm itte. Azärbaycan komandirınıñ oçratqan ärmän grajdannarına: “Teläsägez Azärbaycan watandaşı bulıp biredä qala alasız. Teläsägez, kitä alasız. Berkem dä sezgä naçar möğamälä kürsätmäyäçäk. Moñarçı da sezgä yärdäm itkän idek. Xörmät belän sezne ozatqan idek”, - dip äytkän videoyazma sośial’ mediada zur rezonans tudırdı.
“Star” gazetı: “AQŞta törek delegatı”
Amerika Quşma Ştatlarında yaña İlbaşın bilgeläyäçäk 538 delegat arasında berençe märtäbä ber törek bar. Törkiyä-AQŞ mönäsäbätläre belän bäyle belderü yasawçı törek delegatı Därya Taşkın: “Djo Bayden kilgän çaqta ike il mönäsäbätlärendä problema bulaçağın uylamıym, çönki ike köçle berlektäş NATO urtaqlığı bar. Törkiyä köçle ber il, NATO berlektäşe, kem genä kilmäsen, monı iğ’tibarsız qaldıra almayaçaq”, - dip äytte.
