Төрeк мaтбугaтынa күзәтү - Törek matbuğatına küzätü 17.11.2020
17нчe нoябрь көннe бaсылып чыккaн кaйбeр төрeк гaзeтлaрынa күзәтү / 17nçe noyabr’dä basılıp çıqqan qayber törek gazetlarına küzätü
“Star” gazetı:"Çavuşoğlunnan telefon diplomatiyası, tema: Qarabax"
Tışqı êşlär ministrı Mäwlüt Çavuşoğlu kiçä Azärbaycan tışqı êşlär ministrı Cäyhun Bayramov belän telefonnan söyläşte. Diplomatik çığanaqlardan alınğan mäğ’lümatkä kürä, söyläşü waqıtında Yuğarı Qarabax mäs’äläse quzğatıldı.
“Watan” gazetı: "Ministr Päkcan: “Törle bazarlar öçen köräşebezne däwam itäçäkbez”"
Säwdä ministrı Ruhsar Päkcan, kiçä “İndoneziya virtual’ ğomumi säwdä wäkillege” programmasında video konferenśiya belän qatnaşıp: "Êşlänmälärebez belän härwaqıt häm här şartta dönyanıñ här bazarında buluğa layıq bez. Citeşterüebezgä, säwdä potenśialıbızğa häm köndäşlek köçebezgä ışanabız”, - dip äytte.
“Xörriyät” gazetı: “Ciñel avtomobil’ êksportında il sanı arttı”
Törkiyädän ğinwar-üktäbr aylarında 7 milliard 482 million 626 meñ dollarlıq ciñel maşina êksportı başqarılğan bulsa, 100eşär million dollardan kübräk satu yasalğan il sanı 16ğa citte.
“Sabah” gazetı: "“Fatih” häm “Kanuni” Qara diñgezdä bik küp yañarışnı tormışqa aşıraçaq"
“Fatih” boralaw köymäseneñ Törkiyäneñ açıq diñgezlärdäge berençe bäyäläw qoyısı “Türkali-1”dä êşçänlegen betergännän soñ “Kanuni” dä şuşı skvajinanıñ tämamlaw boralaw êşlären başqaraçaq. “Kanuni” qorabçılıq, boralaw platforması häm texnik xezmätläre Törkiyä neft’läre aksionerlıq cämğiyäte tarafınnan başqarılğan berençe törek boralaw köymäse bularaq Qara diñgezdäge wazıyfasına başlayaçaq. “Kanuni” ayıruça tulısınça milli bularaq sertifikatlandırılğan berençe boralaw köymäse bulaçaq.
“Xäbär Türk” gazetı: "“Gladiatorlar şähäre”nä turist ağımı"
Muğla Yatağan ilçäsendä “Gladiatorlar şähäre” dip tä belengän Stratonikeia borınğı qalasında “Kovid-19” kizüennän soñ başlanğan häm "yaña normal’" bularaq telgä alınğan çordan bügengä çaqlı bigräk tä Angliyadan, Rusiyädän, Pol’şadan, Germaniyadan kilgän 40 meñ turist bulıp kitte.
