Төрeк мaтбугaтынa күзәтү - Törek matbuğatına küzätü 03.11.2020

3нчe нoябрь көннe бaсылып чыккaн кaйбeр төрeк гaзeтлaрынa күзәтү / 3nçe noyabr’ könne basılıp çıqqan qayber törek gazetlarına küzätü

1520900
Төрeк мaтбугaтынa күзәтү - Törek matbuğatına küzätü 03.11.2020

“Yäni Şafak” gazetı: "İlbaşı Ärdoğannan Älif yazması: “Sälamätlän, qaderlem"

İzmirdä barlıqqa kilgän cirteträw fäläqäteneň 65nçe säğätendä 3 yäşendäge Älif Pärinçäk cimerelgän bina qaldıqları astınnan isän kileş çığarılğan, bu waqıyğa millionlağan keşelärne şatlandırdı. Zilziläneň simvolına äylängän keçkenä qız balanıň xastaxanädäge sürätlären sośial’ media akkauntınnan urtaqlaşqan İlbaşı Ärdoğan: "Sine, bertuğannarın Älzäm belän Äzälne, İdilne, İncine häm tağın bik küp balanı isän qaldırğan Allahqa şöker. Tiz sälamätlän, qaderlem”, - dip yazdı.

 

“Sabah” gazetı: "“Fatih” yaňadan yawğa çıqtı! Türkali-1 qoyısına barıp citte"

Ênergetika häm tabiğıy çığanaqlar ministrlığınıň “Twitter” akkauntınnan yasalğan belderüdä “Fatih” boralaw köymäseneň Türkali-1 skvajinasına barıp citüe äytelde. “Fatih”nıň “Türkali-1”dä berençe bilgeläw qoyısın qazıyaçağı belderelgän açıqlawda: "”Fatih” êzläde, taptı. Xäzer berençe bilgeläw qoyısın qazıyaçaq. Boralaw “Türkali-1”dä äylänäçäk," – dip citkerelde.

 

“Watan” gazetı: "Ministr Albayraq: “İq’tisadi üzgärtep qoru yulında ışanıçlı adımnar belän alğa barabız”"

Kazna häm finans ministrı Bärat Albayraq: "Tağın da kübräk citeşterü häm êş belän täêmin itü, tağın da kübräk êksport maqsatı belän çıqqan iq’tisadi üzgärtep qoru yulında ışanıçlı adımnar belän alğa barabız. Üktäbr’ ayında êksportıbız uzğan yılnıň şul uq ayına qarağanda 5,6%, monnan aldağı ayğa qarağanda isä 8,3%qa artıp, 17,3 milliard dollarğa citte. Bu räweşle il tarixıbızdağı iň yuğarı ber aylıq êksport külämenä ireştek”, - dip äytte.

 

“Star” gazetı: "”Turkish Cargo”dan zur uňış"

Törek hawa yullarınıň uňışlı hawa yök markası “Turkish Cargo” bıyıl 36nçısı oyıştırılğan “Air Cargo News Awards 2020”dä Awrupanıň iň yaxşı hawa yök markası itep saylanıp, “Best Cargo Airline-Europe” bülägenä layıq buldı.



Bäyläneşle xäbärlär