Төрeк мaтбугaтынa күзәтү - Törek matbuğatına küzätü 09.10.2020

9нчы үктәбрьдә бaсылып чыккaн кaйбeр төрeк гaзeтлaрынa күзәтү / 9nçı üktäbr’dä basılıp çıqqan qayber törek gazetlarına küzätü

1506039
Төрeк мaтбугaтынa күзәтү - Törek matbuğatına küzätü 09.10.2020

“Xörriyät” gazetı:  "Ärdoğannan “Qarabax” yullaması: “Çişeleş – yawnıñ betüe”"

İlbaşı Räcäp Tayyip Ärdoğan Törkiyä-Afrika iq’tisad forumınıñ açılışında yasağan çığışında Tawlı Qarabax mäs’äläsenä tuqtalıp uzıp: "Ärmänstannıñ kileşmäwçän häm tupas totışları arqasında 30 yıl inde gangrengä äylängän diyärlek şuşı mäs’äläneñ çişeleşe -  yawnıñ beterelüe,"- dip äytte.

 

“Xäbär Türk” gazetı: "Çavuşoğlu häm grek wazıyfadaşı kileşügä ireşte!"

Tışqı êşlär ministrı Mäwlüt Çavuşoğlu Greśiya tışqı êşlär ministrı Nikosz Dendias belän oçraştı. Çavuşoğlu oçraşudan soñ aldan söyläşülärneñ ütkärelüendä urtaq fikergä kilülären äytte.

 

“Sabah” gazetı: "Törkiyädän ênergetikada tağın ber adım! Öçençese kilä..."

Törkiyä ênergetika häm tabiğıy çığanaqlar ministrı urınbasarı Alparslan Bayraqtar: "Aliağa häm Hatay-Dörtyolda ike FSRUnı (yözüçe LNG saqlaw häm gazlaştıru caylanmasın) sistemağa kertkän idek. Öçençese öçen êşçänlek Sarosta däwam itä. İnşallah, aldıbızdağı yılda asqormabızğa qazandıraçaqbız”, - dip äytte.

 

“Star” gazetı: “"Financial Times”: “Törkiyä keşesez qorallı hawa apparatlarında AQŞ, İzrail häm Qıtayğa citdi köndäş buldı”"

“Financial Times” gazetı Törkiyäneñ keşesez qorallı hawa apparatlarında Amerika Quşma Ştatları, İzrail häm Qıtayğa citdi köndäşkä äylänüen yaza. Xäbärdä: "Kiñäygän törek keşesez hawa apparatları sänäğäte Törkiyäneñ qoral aluında Könbatışqa bulğan bäylelegen azaytu häm milli ğorurlıqnı canlandıru maqsatınnan çığıp saqlanu sänäğäten arttıruğa qarağan 20 yıllıq tırışunıñ näticäse”, - dip äytelde.

 

“Yäni Şafak” gazetı: "Dön’yada barı tik Älazığda citeşterelä"

Dön’yada barı tik Älazığnıñ Alacakaya ilçäsendä genä êşläp çığarılğan häm töse arqasında zur iğ’tibar kürgän “çiyä märmäre” Amerika Quşma Ştatları, Germaniya häm İtaliya belän bergä 45 ilgä êksportlana. Êşxanäneñ êksport mödire Salih Tufan: "Dön’yanıñ törle illärenä bez cibärgän êşlänmälär şaqtıy däräcäle proyektlarda qullanıldı häm qullanılırğa däwam dä itä. Bu qorılmalarnıñ başında Qağ’bä mäydançığı êçendä urnaşqan Safa-Märvä qalqulıqları, Mäcit äl-Xaram, patşa sarayları häm Aq Yort kebek qorılmalar tora”, - dip äytte.



Bäyläneşle xäbärlär