Törek matbuğatına küzätü 21.09.2020

“Yenişafak” gazetı İbrahim Kalınnıñ “Törkiyägä qarşı sankśiyä, şantaj, yanaw tele näticä birmäs” digän süzlären alğı planğa çığara.

İlbaşı idaräse süzçese İbrahim Kalın Könçığış Urta diñgezdä tuğan kiyerenkelek belän bäyle belderüendä “Törkiyägä qarşı sankśiyä, şantaj, yanaw tele näticä birmäs. Monı awrupalı säyäsätçelär kürergä tiyeş. Törkiyäne berniçä yanaw sankśiyäläre belän qurqıtırğa uylawçılar, yulınnan baş tartaçağın farazlawçılar faydasız êş belän mäşğul’,”-dide.

“Vatan” gazetı Liverpul’ mêrı Roterinıñ Törkiyäne maqtawı turında yaza.  

Liverpul’ mêrı Anna Roteri yal öçen Muğlanıñ Fätxiyä rayonın saylıy. Ul Törkiyäneñ koronavirusqa qarşı çaraların maqtap telgä ala. “Kovid-19 belän köräş çaralarınıñ bu qadär yuğarı buluı mine şaqqattırdı. Çaralarnıñ tuqtalğan qunaqxanädä dä, Fätxiyädä dä häm Ülediñgez plyajlarında da kertelüe iğ’tibarğa layıq,”-dip söyli ul.

“Hürriyet” gazetı yazğança, 2 million yal itüçe Antaliyäne sayladı.  

Böten dön’yada koronavirus kizüe däwam itügä qaramastan, Törkiyädä turizm başqalası Antaliya ağımdağı yılnıñ 13nçe sentyabrenä qadär 2 millionnan artıq keşene qunaq itte. Sawlıqlı häm ışanıçlı yal mömkinlege birüçe cirlekkä Rusiyä, Ukraina, Germaniyä, Angliyä, Pol’şa – barlığı 170 ildän 2 millionnan artıq turist kilde.

“Sabah” gazetı citkergänçä, “Törkiyäneñ täwge cirle oçuçı maşinası Cezeri xalıqara matbuğatta maqtaldı.

Cirle häm milli proyekt Cezeri dön’ya matbuğatında urın aluın däwam itä. Angliyäneñ Reyters mäğ’lümat agentlığı “Atnanıñ ähämiyätle waqıyğaları” dip isemlängän videoda Törkiyä maşinasın berençe urınğa çığardı. Cezeri başqa çit il säxifälärendä dä maqtawğa layıq buldı.

“Star” gazetı “Cirle videokiñäşmä programması berençe sınawdan ütte” dip xäbär itä.  

ASELSAN şirkäte filialı BİTES tarafınnan uylap çığarılğan videokiñäşmä/vebinar programması BizBize (Bez bezgä) xalıqara iminlek häm saqlanu cıyılışı SEDEC çarasında uñışlı sınaw ütte. Bu anıñ xalıqara mäydanda tanıluına da yul açtı