Törek matbuğatına küzätü 04.09.2020

“Xäbär Türk” gazetı: “Ärdoğan: “Törkiyäneñ xaq-xoquqın häm mänfäğätlären härwaqıt häm här urında saqlayaçaqbız”

İlbaşı Räcäp Tayyip Ärdoğan Germaniya Kanślerı Angela Merkel belän video konferenśiya söyläşüen ütkärde. İlbaşı Ärdoğan söyläşü waqıtında Greśiyanıñ êgoistik häm ğadel bulmağan totışınıñ qayber illär tarafınnan yaqlaw kürüeneñ qabul itelmäslek buluın belderep, xalıqara xoquqnı iğ’tibarsız qaldırğan kereşülärgä qarşı Törkiyäneñ xaq-xoquqın häm mänfäğätlären härwaqıt häm här urında saqlayaçağına basım yasadı.

“Watan” gazetı: “NATO açıqladı, Törkiyä häm Greśiya söyläşü qararına kilde”

NATO Ğomum särkätibe Yens Stoltenberg Törkiyä häm Greśiyanıñ Könçığış Urta diñgezdä yäşägän kiyerenkelek belän bäyle bularaq açıqlawlar yasadı. Stoltenberg yazma belderüendä: “Törek häm grek liderları belän ütkärgän söyläşüläremnän soñ ike berlektäş il Könçığış Urta diñgezdä xärbi bäreleşne totqarlaw mexanizmnarın urnaştıru häm risknı azaytu öçen NATOda texnik söyläşülärgä başlaw mäs’äläsendä kileşügä ireşelde”, - dip äytte.

“Sabah” gazetı: “Törkiyä: “Alşartsız dialogqa äzerbez””

Tışqı êşlär ministrlığı NATO Ğomum särkätibeneñ Könçığış Urta diñgez mäs’äläsendä alğan iniśiativa belän bäyle belderü yasadı. Greśiyanıñ da bu iniśiativanı yalqawınıñ kötelüenä basım yasalğan belderüdä Törkiyäneñ Greśiya belän arasındağı böten mäs’älälärdä xalıqara xoquq qısalarında, ğadel häm daimi çişeleş tabıluı öçen alşartsız bularaq dialogqa äzer buluı äytelde.

 “Xörriyät” gazetı: “Törkiyä pandemiyadä yaxşı êş başqardı”

Amerikan Törek cämğiyäte oyıştırğan “Kovid-19” barışı belän bäyle webinar seriyasınıñ berençe qunağı professor doktor Mäxmät Öz buldı. Professor Mäxmät Öz Törkiyädä başqarılğan däwalanunıñ neçkälekläre belän bäyle sorawlarğa cawap birgän çaqta: “Törkiyä bik yaxşı êş başqardı. Mediśina xezmätkärläre Törkiyädä bik yaxşı protokollar başqara. Texnikalar şaqtıy uñışlı räweştä alıp barıla,” – dip äytte. Öz Törkiyäneñ olı yäş’tägelärne başqa illärgä qarağanda tağın da yaxşıraq saqlawın da belderde.

“Star” gazetı: “Törkiyä ozaq möddättä ênergetika üzägenä äylänä ala”

Üzäge Amerika Quşma Ştatlarında urnaşqan geopolitik risk kiñäşmä şirkäte “Gulf State Analytics”ta wazıyfa başqaruçı İranlı ênergetika iminlege analitığı Omid Şükri Törkiyäneñ Qara diñgezdä tapqan 320 milliard kub metr tabiğıy gaz rezervınıñ töbäktä başqa rezervlarnıñ da buluınıñ kürsätkeçe buluın häm kiräkle şartlar täêmin itelgän oçraqta Törkiyäneñ töbäkneñ ênergetika üzäklärennän berse bulaçağın äytte.