Törek matbuğatına küzätü 30.07.2020

”Sabah” gazetı “ Törkiyӓ Cömhüriyӓte qararlarına hӓrkem xörmӓt kürsӓtergӓ tiyeş” isemle xӓbӓrendӓ Törkiyӓ saqlanu ministrı Hulusi Akarnıň “Ayasofiya mӓçeteneň ğıybadӓtkӓ açıluı - Törkiyӓ Cömhüriyӓteneň möstӓqil’lek, suverenlıq xoquqı. Bu mӓs’ӓlӓdӓ Törkiyӓ oyışmalarınnan tış berӓwneň dӓ süz ӓytergӓ xaqı yuq. Törkiyӓ Cömhüriyӓteneň qararlarına hӓrkem xörmӓt kürsӓtergӓ tiyeş” digӓn süzlӓren citkerӓ.

”Yaňa Şafak” gazetı “İdlibtӓn Törkiyӓgӓ rӓxmӓt süzlӓre” isemle xӓbӓrendӓ yazğança, törek ğaskӓreneň qatğıy , tӓwӓkkӓl totışı belӓn totrıqlılıqqa ireşkӓn idliblelӓr Törkiyӓgӓ rӓxmӓt süzlӓren video aşa citkerde. Videoda süriyӓlelӓrneň tübӓndӓge süzlӓre urın ala: “Törek ğaskӓrenӓ olı rӓxmӓtlӓrebezne belderӓbez. Alar bezneň öçen ilen, ğailӓsen, balaların qaldırıp kildelӓr hӓm 3 yıl buyı biredӓ. Törek ğaskӓrlӓre olısına - keçeçenӓ hӓrkemgӓ xörmӓt kürsӓtӓ. İlbaşı Rӓcӓp Tayyip Ӓrdoğanğa sӓlamnӓrebezne citkerӓbez”.

”Xörriyӓt” gazetı “Alman turizm jurnalınnan Törkiyӓgӓ maqtaw süzlӓre” isemle yazmasında  Germaniyӓdӓ çığuçı turizm jurnalı “Touristik Aktuell”neň sertifikatlı yal itü mömkinleklӓren aňlatuçı mӓqalӓsendӓ Törkiyӓdӓ koronavirus belӓn körӓş hӓm bu qısadağı saqlıq çaraların maqtap yazuın belderӓ. Mӓqalӓdӓ Törkiyӓdӓ gigiyena qağıydӓlӓren ütӓwgӓ zur ӓhӓmiyӓt birelüenӓ basım yasala.

”Vatan” gazetı ”Sümela monastıren tanıtu öçen internet sӓxifӓse ӓzerlӓnde” isemle xӓbӓrendӓ Törkiyӓ ilbaşı idarӓse êlemtӓ bülegeneň Sümela monastıren tanıtu maqsatı belӓn "sumela.gov.tr" isemle internet sӓxifӓse ӓzerlӓwen uquçıları belӓn urtaqlaşa. Anda Sümela monastırınıň tarixı, arxitekturası, restavraśiya êşçӓnleklӓre xaqında centekle mӓğ’lümat hӓm fotorӓsemnӓr urın ala.

“Star” gazetı “6G êşçӓnleklӓrendӓ 3 törek ğalime dӓ qatnaşa” isemle xӓbӓrendӓ dönyanıň törle illӓrennӓn 350 ğalimneň 6 G öçen êşçӓnlek başqaruın xӓbӓr itӓ. Finlyandiya akademiyӓse tarafınnan oyıştırılğan ӓlege şurada Törkiyӓdӓn dӓ 3 ğalim professor doktor Êrdal Panayırcı,dośent doktor Serhat Êrküçük hӓm doktor Yalçın Şadi urın ala.