Törek matbuğatına küzätü 10.07.2020

Qayber törek gazetlarına küzätü

1452653
Törek matbuğatına küzätü 10.07.2020

"Xäbär Türk" gazetı: “Bötendönya salämätlek saqlaw oyışmasınıñ Awrupa direktorınnan Törkiyägä maqtaw süzläre”

Bötendönya salämätlek saqlaw oyışmasınıñ Awrupa töbäge direktorı Hans Kluge Änkara säfäre waqıtında yasağan açıqlawında Törkiyäneñ yaña tör koronavirus (Kovid-19) testlarına, däwalawlarına, böten qaçaqlar häm möhacirlär belän bergä humanitar yağın, ruxun çağıldıruın belderde. Hans Kluge törek xalqınıñ monnan tış 135tän kübräk ilgä medišina äyberläre belän yärdäm itüen äytte. 

"Watan" gazetı: “İqtisadta cayğa salınu işarätläre”

Törkiyä Cömhüriyäte Üzäk bankı telekonferenšiya ısulı belän investor cıyılışın ütkärde. Cıyılışta pandemiya çorında Törkiyä iqtisadınıñ citeşterüçänlege häm kötelgännäre qarap çığıldı. Yasalğan açıqlawlarda iqtisadta  cayğa salınu signallarınıñ buluı belderelde. Éksportnıñ küzallanğannan tağın da köçle räweşle cayğa salınıluına basım yasalğan belderüdä Törkiyädä sälamätlek  saqlaw sistemasınıñ başqa illärgä qarağanda köçle qorılışınıñ Kovid-19 pandemiyasınıñ İqtisadta tiskäre yoğıntısın çikläwe assızıqlandı. 

"Yäni Şafak' gazetı: “Törkiyä ağaç utırtuda dönya öçençese”

World Bank Data mäğlümatlärenä kürä, soñğı 30 yılda dönya külämendäge urman mäydanı kimegän bulsa, Törkiyädäge urman miqdarı arttı. Qayber illärdä azaya başlağan yäki ber ük külämdä bulğan urman mäydanı Törkiyädä soñğı 25 yılda kübäyä başladı. Törkiyädäge urman miqdarı 1990nçı yılda ilneñ cir mäydanına qarağanda 12.502%, bulsa, bu küläm 2016nçı yılda 15.355%qa citte. 

"Star" gazetı: "Tön’yaq Kipr Törek Cömhüriyäte: Awır qorallı nığıtmalar beterelsen”

AQŞnıñ Kipr Grek citäkçelegen xalıqara xärbi öyrätü programmasına kertüennän soñ Kipr Grek yağında awır qoral nığıtması salına başlandı. Tön’yaq Kipr Törek Cömhüriyäte Baş ministrı urınbasarı häm tışqı éşlär ministrı Qodrät Özärsay, nığıtmalarnıñ beterelüe öçen BMOğa xat cibärde. 

"Xörriyät" gazetı: “Awrupanıñ iñ güzäl 15 şähären sayladılar. Törkiyädän ber şähär yuğarılıqnı urtaqlaştı”

Üzäge New-Yorkta urnaşqan "Travel Leisure" säyäxät jurnalı açıqlağan isemlektä 88.14 bilgesen alğan İstanbul ikençe buldı.



Bäyläneşle xäbärlär