Törek matbuğatına küzätü 9.07.2020

“Xäbär Türk” gazetı  tışqı êşlär ministrı Çavuşoğlunıñ Angliyä xökümäte räise Boris Djonson belän oçraşuı turında yaza.

Angliyägä räsmi säfär belän kitkän Mäwlet Çavuşoğlu kiçä Angliyä xökümäte räise Boris Djonson belän oçraştı. Söyläşülärdä Liviyä mäs’äläse dä quzğatılğan. “Böyekbritaniyä dä, bez dä iñ yaxşı çişeleş, xätta, berdänber çişeleşneñ säyäsi buluın uylıybız,”-dide Çavuşoğlu.

“Sabah” gazetı “Kalınnıñ Liviyä belderüe” turında yaza.

Törkiyä ilbaşı idaräse süzçese İbrahim Kalın Törkiyäneñ Liviyädä qanunlı Tripoli xökümätenä teläktäşlegeneñ monnan soñ da däwam itäçägen belderde. Ul Törkiyäneñ Liviyä qanunlı xökümäteneñ taläbe buyınça dekabr’ ayında bu däwlät belän Xärbi xezmättäşlek häm qurqınıçsızlıq kileşüe imzalawın xäterlätte. “Bu kileşü qısalarında BMO tarafınnan da qabul itelüçe qanunlı xökümätkä teläktäşlek kürsätäbez. Anda Törkiyäneñ qatışı belän bäreleşlärneñ yomşatıluın härkem belä,”-dide İbrahim Kalın.

“Vatan” gazetı ministr Karaismailoğlunıñ Ovezov belän söyläşüen citkerä.

Törkiyä transport häm asqorma ministrı Adil Karaismailoğlu kiçä Törkmänstan ministrlar şurası räise urınbasarı Bayramgeldi Ovezov belän videoêlemtä aşa söyläşte. Anda cir, hawa, timer yulı häm diñgez transportı tarmaqlarındağı bäyläneşlär turında süz bardı. İke yaq Kovid-19dan soñ ğadäti tormışqa qaytu çorında bu mäydandağı xezmättäşlekne arttıru turında söyläşte.  

“Hürriyet” gazetı “Türkiş Kargonıñ bazardağı öleşe arttı” dip yaza.

Törkiyä hawa yulları ğomum mödire Bilal Êkşi iyün’ ayında Türkiş Kargo yök taşu şirkäteneñ dön’yada öleşeneñ 5%qa citüen söyläde. Ul Twitterdan yasağan belderüendä bolay di: “Yulçı oçqıçları belän yök flotına yärdäm ittek. hawadağı här 20 yökneñ bersen bez taşıdıq”.

“Star” gazetı "A milli komanda 3nçe sentyabr’dä Sivasta uynayaçaq” dip xäbär itä.

Törkiyäneñ A cıyılması UEFA millätlär ligasında berençe matçın Vengriyä belän 3nçe sentyabr’dä Sivasta uynayaçaq.