Törek matbuğatına küzätü 06.07.2020
6 nçı iyül' könne basılıp çıqqan qayber törek gazetlarına küzätü
”Vatan” gazetı “Bez üz xaqlarıbıznı alırbız” isemle yazmasında Törkiyӓ ilbaşı Rӓcӓp Tayyip Ӓrdoğannıň 26 şӓhӓrdӓ 52 yaňa gidroêlektrstanśiyӓsen açu tantanasında yasağan çığışında Awrupa Berlegeneň Törkiyӓgӓ qarata totışın tӓnqit’lӓp , “Törkiyäneñ qarşına quyıp ğamälgä aşırılğan ikele standartlarnıñ artındağı niyätlär bilgele. Bu barışta xoquqıbız, xaqıbız bulğan xosuslarnı alaçaqbız”dip ӓytüen citkerӓ.
”Sabah” gazetı ” İň uňışlı illӓrdӓn berse buldıq” isemle xӓbӓrendӓ Törkiyä tışqı êşlär ministrı Mäwlüt Çavuşoğlunıň “Tiyeşle çaralar kürü näticäsendä koronavirus belӓn köräştä iñ uñışlı illärdän berse buldıq. Bez dön’yada iñ yaxşı sälamätlek saqlaw sistemasına häm asqormasına iyä däwlätlärdän berse” digӓn süzlӓren uquçıları belӓn urtaqlaşa.
”Star” gazetı “Törkiyӓ ürnӓk buldı” isemle xӓbӓrenda mӓdӓniyat hӓm turizm ministrı Mӓxmӓt Nuri Ӓrsoynıň “Qurqınıçsız turizm sertifikatı programması” xaqında “Sertifikat programmasın tulı wӓqalӓtle ilçelӓrgӓ hӓm çit il matbuğat ӓğ’zalarına urınında tikşerep qaraw mömkinlege birdek. Alar anıň bik uňışlı sistema buluın ӓyttelӓr, üz illӓrendӓ dӓ ğamӓlgӓ kertü öçen yӓrdӓm soradılar” dip ӓytüen citkerӓ.
”Xörriyӓt” gazetı ”Anadolu köymӓse Törkiyӓne diňgezlӓrdӓ global’ köçkӓ ӓwerelderӓçӓk” isemle xӓbӓrendӓ yazğança, Törkiyӓ sӓnӓğӓt’ hӓm texnologiya ministı Mostafa Varank Törek Qorallı Köçlӓreneň diňgez ar’yağındağı xӓrbi hӓm humanitar yӓrdӓm operaśiya sӓlӓten arttıraçaq küp maqsatlı köymӓse “Anadolu” nıň 100 gӓ yaqın amfibiya wazıyfa törkemen hӓm wazıyfağa bӓyle bularaq 30 dan kübrӓk hawa transportın taşıy aluın belderde.
”Yaňa Şafak” gazetı “Törek ğalimnӓreneň zur uňışı” isemle xӓbӓrendӓ Êlazığda Fırat universitetı tikşerenüçelӓreneň çӓçtӓn 750 tapqır keçerӓk koronavirus strukturasın ODTÜ ğalime êşlӓgӓn atom köçe mikroskopı belӓn qarawın citkerӓ. Koronavirus analizı şaqtıy fӓnni tikşerenügӓ yӓrdӓm itӓçӓk.
