Törek matbuğatına küzätü 30.06.2020

30nçı iyün’dä basılıp çıqqan qayber törek gazetlarına küzätü

1446001
Törek matbuğatına küzätü 30.06.2020

“Yäni Şafak” gazetı: "The Independent: Franśiya Liviya mäs’äläsendä Törkiyäne gäyepläp kölkele wazğiyättä qala"

Dön’ya cämäğätçelege  Liviyada yıllar buyı yaqlap kilgän tüntäreleşçe Hafterneñ ciñelüe belän xisapları tar-mar bulğaç Törkiyägä şaw-şu kilep xatasın qaplarğa tırışqan Franśiya duçar bulğan wazğiyätne söyläşergä däwam itä. “The Independent” gazetı da: "Franśuz räsmiläre  Liviya säyäsätlären yaqlaw öçen Törkiyäne gäyepläp kölkele xälgä töşälär”, - dip yazıp çıqtı.

 

“Star” gazetı: "Macarstan (Vengriya) tışqı êşlär ministrı  Kön’yaq Kiprğa häm Awrupa Berlegenä qatği süzen belderde "

Macarstan (Vengriya) tışqı êşlär ministrı Peter Szijjarto  Kön’yaq Kipr säfäre waqıtında, Awrupa Berlege äğ’zase şaqtıy ilneñ  Törkiyä xaqında cämäğätçelek aldında ber törle, yabıq işeklär artında başqa törle söyläşüen belderep: “Törkiyä-Awrupa Berlege mönäsäbätlärendäge iñ zur problema  Törkiyägä qarata ikeyözle bulu”, - dip äytte.

 

“Watan” gazetı: "Ministr Albayraq: “Törkiyä iq’tisadına ışanıç arta"

Kazna häm finans ministrı Bärat Albayraq: "Törkiyä iq’tisadına ışanıç arta. Aprel’dä 51,3 bulğan İq’tisad ışanıç indeksı may ayında 61,7gä, iyün’dä isä 73,5kä kütärelde. 2020nçe yılnı şuşı näticälelek belän däwam itterep kiläse yılda monı tağın da alğa alıp baraçaqbız”, - dip äytte.

 

“Sabah” gazetı: "Cirle häm milli êlektrlı poyezd rel’slarğa utırdı"

Sänäğät’ häm texnologiya ministrı Mustafa Varank cirle häm milli êlektrlı poyezdnıñ rel’slarğa utıruın häm êşxanädäge sınap qarawlarına başlayaçağın äytte. Transport häm asqorma ministrı Adil Qaraismailoğlu da: "Bıyıl yıl axırında rel’slarğa utırtılaçaq häm qısqa waqıtta yulçılarnı (passajirlarnı) taşuğa başlayaçaqbız”, - dip belderde.

 

“Xörriyät” gazetı: "Öç ilgä logistik üzäk”

Pandemiya barışı belän bergä dönyada êlektron säwdäneñ zur tizlek qazanuın belderüçe Transport häm asqorma ministrı Adil Qaraismailoğlu: “Angliyada, Germaniyada häm Rusiyädä dä êlektron säwdä saqlağıçların qoraçaqbız. Maqsatıbız êlektron säwdä (e-säwdä) platformabıznı  töbäktäge iñ zur 5 uyınçıdan bersenä äyländerü”, - dip äytte.



Bäyläneşle xäbärlär