Törek matbuğatına küzätü 13.05.2020
13nçe may könne çıqqan qayber törek gazetlarına küzätü
“Sabah” gazetı: “Başakşehir şähär xastaxanäse Yaponiyä matbuğatında”
Açılışına sanawlı könnär qalğanda İstanbulda tözelgän Başakşehir şähär xastaxanäse turında Yaponiyä matbuğatı yazdı. Anda ilbaşı Räcäp Tayyip Ärdoğannıñ belderülärenä urın birelä. 2 meñ 700 urınlıq xastaxanäneñ sıydırışlılığına iğ’tibar cälep itelä. Mediśina kompleksınıñ Yaponiyädäge iñ zur sanaluçı Fujita universitetı xastaxanäsennän dä külämleräk buluın yazalar. Xastaxanä koronaviruslılarnı däwalawda zur rol’ uynayaçaq. Ul inde xastalarnı qabul itä başladı.
“Star” gazetı: “Törkiyäne tanıtu törkeme “Made in Türkiye” logotiplı gigiyena komplektın täq’dim itte”
Törkiyäne tanıtu törkeme, yärdämläşü ruxın simvollaştıru häm ilneñ markaları qıymmäten arttıru maqsatınnan, gigiyena êşlänmälärennän toruçı maxsus dizayn yasalğan komplektlarnı 60tan artıq ildä küpläp aluçılarğa, säwdä cämğıyäte wäkillärenä, matbuğat çaraları häm böten dön’yada tanılğan sośial’ media fenomennarına cibärde.
“Hürriyet” gazetı: “AQŞtağı töreklär açışı”
Dön’yadağı iñ ähämiyätle yaman şeş üzäkläreneñ berse - Texas universitetı Anderson yaman şeş märkäzendä êşläwçe professor Bülent Özpolat häm törkeme gen sünderü ısulı belän Kovid-19ğa qarşı daru yasayaçaq.
“Yenişafak” gazetı: “ASELSAN - dön’yada koronavirustan iñ az zarar kürgän 4 saqlanu şirkäte arasında”
ASELSAN “Defence News Top 100” isemlegendä bazar qıymmätenä kizü iñ az täêsir itkän 4 şirkätneñ berse buldı.
“Vatan” gazetı: “AQŞ Kongressına kertelgän F-35 xisabında Törkiyäneñ urını”
AQŞ xökümäteneñ xisaplar idaräse xäzerlägän F-35 täêminat xisabında Törkiyäne F-35 programmasınnan çığarunıñ älege proyektnıñ kiçegüenä häm kirtälärgä oçrawına kiteräçäge assızıqlana.
