Törek matbuğatına küzätü 11.05.2020
11 nçe may könne basılıp çıqqan qayber törek gazetlarına küzätü
“Xörriyӓt" gazetı ”Tökiyӓ sӓlamӓtlek saqlaw üzӓge bulaçaq” isemle xӓbӓrendӓ Törkiyӓ ilbaşı Rӓcӓp Tayyip Ӓrdoğannıň Kovid-19 belän köräştä ähämiyätle üzäk yasarğa dip planlaştırılğan İstanbul Sancaktepedäge xastaxanälärneň 26 nçı mayğa qadӓr açılacağı turında ӓytüen citkerӓ. Ärdoğan alarnıñ sälamätlek turizmı öçen ähämiyätle bulaçağın belderep,”Çit il xastaları Amerika Quşma Ştatlarınıň Klivlend qalasına kitӓ ide, monnan soň İstanbulğa kilӓçӓk. Törkiyӓ bu xastaxanӓlӓr belӓn sӓlamӓtlek saqlaw üzӓge bulaçaq”dide.
“Yaňa Şafak” gazetı “Kovid - 19 nı dönya illӓrennӓn tağın da tizrӓk ciňӓçӓkbez” digӓn xӓbӓrendӓ Törkiyӓ ilbaşı Ӓrdoğannıň tübӓndӓge süzlӓren citkerӓ:”Alğa kitkän illär dä çarasız qalğan kizü çorında Törkiyä üz ixtiyacların qanäğat’länderep kenä qalmıyça başqalarğa da yärdäm itte. Ägär bergäläp saqlanu çaraların ütäsäk, ışanam, bik tizdän bez dön’yadağı başqa illärdän bu êşne tizräk uzaçaqbız,virusnı ciňӓçӓkbez”.
”Star” gazetı “Cirle daru TR – C 19” küplӓp citeştrelӓçӓk” isemle xӓbӓrendӓ yazğança, böten dönyağa taralğan koronavirus infekśiyӓsen dӓwalawda qullanılaçaq “TR – C 19” isemle cirle preparatnıň kilinik tikşerenülӓre qısqa waqıt êçendӓ irekle paśientlarda başlanaçaq.Anı Törkiyӓ fӓnni hӓm texnologik tikşerenü oyışması TÜBİTAKnıň İstanbuldağı êşxanӓlӓrendӓ küplӓp citeşterӓçӓklӓr.
”Xӓbӓr Törek” gazetı “Törkiyӓdӓ turizm may azağında başlana” isemle xӓbӓrendӓ Törkiyӓ mӓdӓniyat hӓm turizm ministrı Mӓxmӓt Nuri Ӓrsoynıň Törkiyӓneň turizm yul kartasın açıqlawı turında yaza. May azağında êçke turizm , iyün’ azağında isӓ çit illӓrdӓn kilüçelӓr öçen turizm işeklӓre açıla. Kovid -19 belӓn körӓştӓ saqlıq çaraları qısasında hawa mӓydannarında hӓm tamğaxanӓlӓrdӓ cirle hӓm çit il turistlarına 2 -3 minutta test yasalaçaq. Qunaqxanӓlӓr hӓm restorannarda östӓllӓr ber- bersennӓn 60 santimer yıraqlıqta urnaştırılaçaq. “Barısı da kergän” sisteması däwam itäçäk. Açıq bufetlar beterelmäyäçäk, barı täq’dim itü ısulı üzgäräçäk.
”Vatan” gazetı “İstanbul Sabiha Gökçӓn hawa mӓydanı qabat oçışlarğa ӓzerlӓnӓ” isemle xӓbӓrendӓ Kovid -19 kizüe arqasında 28 nçe martta waqıtlıça xezmt kürsӓtüne tuqtatqan İstanbul Sabiha Gökçӓn hawa mӓydanınıň 28 nçe mayda qabat açılaçağın uquçıları belӓn urtaqlaşa. Yaňa qağıydӓlӓr nigezendӓ aêroportqa berӓwne dӓ bitleksez kertmӓyӓçӓklӓr. Yulçılarnı ozatuçılar terminal binasına kermӓyӓçӓk.
