Törek matbuğatına küzätü 06.05.2020

6nçı mayda basılıp çıqqan qayber törek gazetlarına küzätü

1411720
Törek matbuğatına küzätü 06.05.2020

“Xäbär Türk” gazetı: “Törkiyä tiz itep normal’ tormışına qayta”

İlbaşı Räcäp Tayyip Ärdoğan yaña tör koronavirus (Kovid-19) kizüeneñ alğa kitkän dip yörtelgän illärneñ sälamätlek, iq’tisadi häm sośial’ qorılışlarınıñ köçle bulmawın kürsätüen äytte. Törkiyäneñ isä här cähättän alğa kitkän illärdän tağın da osta torış kürsätüen assızıqlawçı Ärdoğan: “Kizü barışındağı qazanışlarıbıznı tağın da zurraq uñışlarğa äyländeräçäkbez”, - dip äytte.

“Xörriyät” gazetı: “Dön’ya matbuğatı Törkiyäne ürnäk itep kürsätte”

Kovid-19 kizüe aldında şaqtıy Awrupa ile çara kürüdä uñışsız bulsa, Törkiyäneñ citelgän torışı dönya matbuğatı tarafınnan ürnäk itep kürsätelä. Franśiyanıñ “Agence France Presse” (AFP) xäbär agentlığı häm amerikan media kompaniyası CNN, İstanbulğa kilep, Törkiyäneñ kizü belän köräşendäge uñışın urınında qaradı. Çit il matbuğatı bigräk tä Törkiyädäge filyaśion êşçänlegennän soqlandı.

“Star” gazetı: “Törkiyä uñay ber ürnäk”

Tön’yaq Makedoniyanıñ êlekke Sälamätlek saqlaw ministrı professor doktor Dragan Danilovski Törkiyäneñ Kovid-19 kizüen uñışlı räweştä idarä itüen häm uñay ürnäk buluın belderde. Danilovski zur xalıq sanına iyä illär kategoriyasında bulğan Törkiyäneñ kizüneñ başınnan birle täêsirle aktiv säyäsät alıp baruına iğ’tibarnı yünältte.

“Watan” gazetı: “Törkiyä global’ şirkätlärneñ yaña citeşterü üzäge bula ala”

Sänäğät’ häm texnologiya ministrı Mustafa Varank 11nçe mayda Törkiyädä böten avtomobil’ êşxanäläreneñ qabat êşli başlayaçağın citkerde. Qıtaydağı citeşterüdä yäşängän aqsawlıqlarnıñ global’ şirkätlärne citeşterü üzäklären törleländerügä êtärüen assızıqlawçı Varank Törkiyäneñ bik qulay räweştä şuşı üzäklärneñ berse bula alaçağın äytte. Varank sänäğät’ tarmağına härtörle yärdämne täêmin itäçäklären belderde.

“Sabah” gazetı: “Sabiha Gökçän aêroportı yök oçışlarına açıldı”

Koronavirus çaraları qısalarında waqıtlıça oçışlar tuqtatılğan İstanbul Sabiha Gökçän hawa mäydanındağı oçış yulında tözekländerü häm remont êşläre başlatılğan ide. Tözekländerü häm remont êşläreneñ tämamlanuı belän aêroport yök oçışlarına açıldı.



Bäyläneşle xäbärlär