Törek matbuğatına küzätü 03.04.2020
3 aprel' könne basılıp çıqqan qayber törek basmalarına küzätü
“Xörriyät” gazetı beldergänçä Törkiyä ilbaşı Räcäp Tayyip Ärdoğan koronavirus belän köräştä Törkiyäneñ sälamätlek saqlaw asqorımasınıñ personal, daru, material häm reanimaŝiya mömkinlekläre cähatennän şaqtıy ilga kürä yaxşı wazğiyät’tä buluın belderde.
Xäbärgä kürä Ärdoğan Twitterda bolay dip yazdı: “Bu awır barışnı da inşallah ürnäk il bulıp uzdıraçaqbız.”
“Watan” gazetı citkergänçä Törkiyäneñ Sälamätlek saqlaw ministrı Faxrettin Koca Kovid-19 kizüenä qarşı köräş barışında 88 ilneñ Törkiyädän kiräk-yaraq taläp itüen açıqladı.
Gazet yazuınça kiçä ministr Bötendön’ya sälamätlek saqlaw oyışmasınıñ Awrupa mödire Dr. Xans Kluge belän videokonferenŝiya aşa küreşte. Söyläşüdä pandemiyanı qarağan ministr Koca häm Kluge Törkiyä belän Bötendön’ya sälamätlek saqlaw oyışmasınıñ Awrupa töbäge arasında 2020 häm 2021 yılların üz êçenä alaçaq ike yıllıq xezmättäşlek kileşüe imzaladı.
“Sabah” gazetı Sänägät’ häm texnologiya ministrı Mostafa Varanknıñ koronaviruska qarşı vakŝina êşçänlekläre belän bäyle kiçä uzğan videokonferenŝiyada möhim açıqlawlar yasawın citkerä.
Xäbärdän kürengänçä ministr Varank 14 törle daru-vakŝina yasaw proyektınıñ buluın belderep, 40 oyışmadan yözlärçä tikşerenüçeneñ mäs’älä belän bäyle êşçänlek başqaruın assızıqladı.
“Star” gazetı yazuınça Awrupa Parlamentınıñ Törkiyä repotyorı Naço Sançez Amor koronavirus kizüenä qarşı köräş qısalarında Törkiyäneñ İspaniyağa cibärgän mediŝina materialları öçen räxmäten belderep: “Kürsätkän teläktäşlekne onıtmayaçaqbız,” – dide.
“Xäbär türk” basması beldergänçä Törkiyäneñ avtomobil’ häm ciñel’ maşina bazarı mart ayı azağında aldağı yıl belän çağıştırğanda 40,62%ka artıp, 124 meñ 403 bularaq çınğa aştı.
