Törek matbuğatına küzätü 26.03.2020

26nçı mart könne çıqqan qayber törek gazetlarına küzätü

Törek matbuğatına küzätü 26.03.2020

“Yaña Şäfaq’” gazetı: “Dönyadağı 69 däwlät Törkiyädän yärdäm soradı, 17senä yärdäm cibärdek”

Törkiyä ilbaşı Räcäp Tayyip Ärdoğan koronavirusqa qarşı çaralar qısalarında il xalqına möräcäğat’ itte. “Watandaşlarğa berdänber taläp: aldağı kritik könnärdä xastalıqnıñ taralu prośessın tuqtatu öçen ğomumi kisätülärgä qatğıy buysınuları. Şulay itep, tiz arada ğadäti tormışqa kire qaytırbız. Här watandaşıbıznıñ ğomere bezneñ öçen ähämiyätle. Şuña kürä, öydä tor, Törkiyä, dip äytäbez. Bügen dön’yadağı 69 däwlät Törkiyädän yärdäm sorıy, 17senä, mömkinleklärebezgä qarap, yärdäm cibärdek,”-dip söyläde ilbaşı.

“Watan” gazetı: “Ministr Koca terelüçelärneñ sanın äytte”

Sälamätlek saqlaw ministrı Fäxretdin Koca Törkiyädä koronavirustan terelüçelär turında bolay dip söyläde: “Ber xastabız 65 yäşendä, 8 kön reanimaśiyädä yattı, sişämbe terelep xastaxanädän çıqtı. Ber 60 yäş’lek awıru çärşämbe çıqtı. Törkiyädä terelüçelär sanı – 26”.

“Sabax” gazetı: ministr Albayrak “Barlıq firmalarıbız belän başlıybız”

Törkiyä qazna häm finans ministrı Bärat Albayrak sośial’ media aşa koronavirus çaraları turında yazma urtaqlaştı. Anda “İqtisadi totrıqlılıq qalqanı qısalarında däwlät banklarıbız häm qatnaşuçı finans uçrejdeniyeläre belän barlıq tarmaqlarıbız, barlıq şirkätlärebez öçen “Êşne däwam itügä yärdäm” başlıybız” diyelä.

“Xörriyät” gazetı: “Türkiş Kargo mömkinleklären arttırıp mediśina êşlänmälären Törkiyägä taşıy”

Koronavirus belän köräştä Türkiş Kargo küper wazıyfasın üti. Ul ixtiyac bulğan medikamentlarnı böten dön’yadan Törkiyägä taşıy. Bu qısalarda, şirkät Qıtaydan alınğan häm 15 minutta virusnı açıqlawçı tiz diagnostika komplektların ilgä qaytardı.

“Star” gazetı: “AQŞta darunı sınaw başlandı”

N’yu-York ştatında koornavirusqa qarşı täêsirle bulırğa mömkin darunı sınap qarıy başladılar.



Bäyläneşle xäbärlär