Törek matbuğatına küzätü 27.02.2020

27nçe fevral' könne çıqqan qayber törek gazetlarına küzätü

Törek matbuğatına küzätü 27.02.2020

“Xäbär Türk” gazetı Ärdoğannıñ “Äsädkä birgän waqıtıbız betä” digän süzlären citkerä.

Törkiyä ilbaşı Räcäp Tayyip Ärdoğan Süriyäneñ İdlib töbäge mäs’äläsendä kisken belderüen yasadı. Soçi kileşüen ütämäwçe Bäşşar Äsädkä: “Bez birgän waqıt tula,”- dide.

“Xörriyät” gazetı Latin Amerikası illäreneñ Törkiyä belän qızıqsınuın yaza.

Älege qızıqsınu Törek hawa yullarında da uñay çağıldı. Şirkät uzğan yılnıñ avgust ayında, taläplär kübäyü säbäple, Meksika säfärlären arttırdı. Başta atnada 3 tapqır bulğan oçışlar 4kä citkerelde. Törek hawa yulları Meksika tarafına yılda 100 meñ keşene yörtergä maqsat itep quya.

“Watan” gazetı “Törkiyäneñ öçençe borawlaw köymäse yulğa çıqtı” dip xäbär itä.

Bu xaqta ênergetika häm tabiğıy qaynaqlar ministrı Fatix Dönmäz Twitter säxifäse aşa belderde. “Millätebezneñ teläktäşlegen cilkänenä tutırğan köymäbez ilebezgä turı alğa bara. Xäyerle häm uñışlı bulsın!” -dip yaza ul.

“Sabax” gazetı “Zakazlar Törkiyägä kiläçäk” dip citkerä.

Qıtayda koronavirus arqasında tuqtaw däräcäsenä citkän citeşterü häm virustan qurqu markalarnı alternativ citeşterü bazarların êzlärgä mäcbür itä. Sänäğat’ häm texnologiyä ministrı Mostafa Varank beldergänçä, Qıtaydan täêmin itelgän tovarlarnıñ ber öleşe Törkiyädän alına başlayaçaq.

“Star” gazetı yazğança, “Törkiyä qazanuçılar ligasında aldınğı urınnarda bulaçaq”

Bu xaqta ilbaşı idaräseneñ strategiyä häm byudjet räise Naci Ağbal belderde. Anıñ äytüençä, baylıq cirlekläre üzgärä häm iñ alğa kitkän illär AQŞ, Angliyä, Franśyä, İtaliyä häm Kanadanıñ dön’yaküläm kerem êçendä öleşläre asqa taba tägäri. Naci Ağbal Törkiyä, Qıtay, Braziliyä, Kön’yaq Afrika şikelle illärneñ kiläçäktä dön’yaküläm säwdä äyläneşennän tağın da kübräk pay alacağına ışana.



Bäyläneşle xäbärlär