Törek matbuğatına küzätü 20.02.2020

“Xörriyät” gazetı “İdlib xäräkäte mizgel mäs’äläse” dip yaza.

Törkiyä ilbaşı Räcäp Tayyip Ärdoğan kiçä AK partiyäneñ utırışında Süriyäneñ İdlib töbägendäge wäzğıyät’ belän bäyle belderülär yasadı. “Rejimğa çigenü öçen soñğı könnär, soñğı kisätülärebezne yasıybız. İdlib xäräkäte mizgel mäs’äläse. Rejimğa häm aña köç birüçelärgä İdlibne qaldırmayaçaqbız,”-dide ul.    

“Star” gazetı isä ministr Akarnıñ İdlib belderüen citkerä.

Törkiyä milli saqlanu ministrı Xulusi Akar İdlibtäge wäzğıyät’ turında bolay dide: “Küzätü noqtalarıbıznıñ berniçek tä çigenüe mömkin tügel. Alarğa qarşı berär närsä êşlänsä, cawap biräçägebezne äyttek, äytep torabız. Bu utnı tuqtatunıñ täêmin itelüe, aqqan qannıñ tuqtatıluı öçen yaqlarnıñ Soçi kileşüendäge yöklämälärne ütäwen kötäbez”.  

“Xäbär Türk” gazetı Şäntopnıñ Makronğa rizasızlıq belderüen yaza.

Törkiyä Böyek Millät Mäclese räise Mostafa Şäntop Franśiyä ilbaşı Êmmanuêl’ Makronnıñ “islami separatizm” belän köräşäçäge turındağı süzlärenä reakśiyä belderde. Ul Twitterda bolay dip yazdı: “Saxel’dä, Liviyädä tınıçlıqnı bozğan, islam däwlätlärendä xaos kiterep çığarğan Franśiyä ilbaşı häm tüntäreleşçe Xafterğa qoral satuçı Makronnıñ “islami separatizm” belän köräşäçäge turındağı süzläre prinśipial’ islamofobiyä. Franśiyä başta üzeneñ rasaçıl häm cällad ütkänen tanısın”.  

“Sabax” gazetı citkergänçä, “Mäwlana muzeyında 2019nçı yılda turist rekordı buldı”

Dön’ya külämendä qızıqsınu uyatqan islam fiker iyäse Mäwlana Cälaleddin-i Ruminıñ törbäse urnaşqan Mäwlana muzeyı uzğan yıl 3 million 464 meñ keşe belän sonğı 10 yıldağı iñ yuğarı turist sanına citep rekord yasadı.  

“Watan” gazetı xäbär itkänçä, “Babamnıñ keşeläre”n Budapeştta kinosöyüçelär qaradı.

Törek rejissyerı Çağan Irmaknıñ “Babamnıñ keşeläre” fil’mı Vengriyäneñ başqalası Budapeştta kürsätelde häm tamaşaçılarnıñ zur qızıqsınuın uyattı.