Törek matbuğatına küzätü 18.02.2020

“Xörriyät” gazetı Çavuşoğlu süzläre belän “Törkiyä häm Rusiyä xezmättäşlege däwam itä” dip yaza.

Törkiyä tışqı êşlär ministrı Mäwlet Çavuşoğlu kiçä Rusiyäneñ “İzvestiyä” gazetına yasağan belderüendä İdlib mäs’äläsendä soñğı kileşü öçen xezmättäşlekneñ däwam itüen belderde.

“Sabax” gazetı xäbär itkänçä, “Törkiyäneñ 3 zur böyäsendä ênergiyä citeşterü 106%qa arttı”.

Atatörek, Karakaya häm Keban gidroêlektr stanśiyälärendä 2019nçı yılda citeşterelgän ênergiyä küläme, aldağı yıl belän çağıştırğanda, 109%qa arttı. Älege böyälärneñ bıyıl êşläp çığarğan ênergiyäse säğatenä 22 milliard 790 million kilovatqa citte.

“Star” gazetı “İtaliyädän Törkiyäneñ avtomobilenä maqtaw” turında citkerä.

İtal’yan kurator, professor Luka Molinari Törkiyä avtomobileneñ zamança häm yaxşı dizaynğa iyä buluın belderde. “Maşina êkologiyä sıyfatın arttıraçaq,”-dide ul. Molinari äytüençä, yaxşı dizayn häm arxitektura däwlätneñ häm cämğıyät’neñ kemlegen kürsätä.

“Yaña Şäfaq’” gazetı yazğança, “Törkiyäneñ 52,4%ı bäxetle, 70%ı ömetle”.

Törkiyä statistika oyışması kiçä 2019nçı yılğı Tormıştan qanäğat’lelek tikşerüe näticälären urtaqlaştı. Anıñ buyınça, Törkiyädä bäxetle buluın söyläwçe 18 yäş’tän ölkännärneñ sanı 52,4%, şul uq çorda üz kiläçäklären ömetle bularaq kürüçelär 70% bularaq terkälde.

“Watan” gazetı keşe organnarınıñ öç ülçäneşle kartası çığarıluın citkerä.           

Germaniyädä yäşäwçe häm biotexnologiyä tarmağında êşläwçe törek ğalime Ali Ärtürk üzeneñ törkeme belän bergä keşe küze häm böyereneñ öç ülçäneşle kartasın yasawğa ireşte. Fän dön’yasında älege êşçänlek yaman şeş, organ citeşterü häm, xätta, baş miye kartasın tözüdä yünäleş birerdäy açış bularaq bäyälänä.