Törek matbuğatına küzätü 14.02.2020

14nçe fevral'dä çıqqan qayber törek gazetlarına küzätü

Törek matbuğatına küzätü 14.02.2020

“Star” gazetı yazğança, “Tön’yaq Makedoniyädä iñ söyelgän dön’ya liderı Ärdoğan buldı”.

Törkiyä ilbaşı Räcäp Tayyip Ärdoğan, Tön’yaq Makedoniyädä uzdırılğan anketa soraştıruları näticäsenä qarağanda, iñ söyelgän dön’ya liderları isemlegendä berençe urınğa çıqtı. Qatnaşuçılarnıñ 60%ı anıñ turında uñay fiker belderde.

“Yaña Şäfaq” gazetı Akar süzläre belän “Östämä berleklär cibäräbez, mäydannı kontrol’ itäçäkbez” dip yaza.

Törkiyä milli saqlanu ministrı Xulusi Akar Süriyäneñ idlibtäge höcümnäre turında: “Utnı tuqtatunı täêmin itü häm däwamlı qılu öçen östämä berleklär cibäräbez, alarnı kontrol’ itäçäkbez. İdlibtä, radikallarnı da kertep, utnı tuqtatuğa künmägännärgä qarşı köç qullanılaçaq, här törle çara küreläçäk,”-dide.

“Sabax” gazetı “21 aynıñ rekordına ireştek” dip xäbäp itä.

Törkiyä sänäğat’ häm texnologiyä ministrı Mostafa Varank dekabr’dä citeşterüneñ yıllıq 8,6%qa artuın belderde. “21 aynıñ rekordına ireştek. Bu üseşne däwamlı xälgä kiterergä, citeşterü alğarışında üsärgä uylıybız. Üseş tizlek alğan, citeşterüçe tarmaq köçäygän, mäşğul’lek artqan yıl öçen tırışabız,”-dide ul.     

“Watan” gazetı xäbär itkärgänçä, “İstanbul aêroportında balalar kolyaskası tüläwsez”.

Aêroportta êçke oçışlar häm xalıqara terminallarda kilüçe häm kitüçe yulçı qatlarına quyılğan bäbäy arbaları 6 yäş’kä qadärge balaları bulğan ğailälärneñ qullanuı öçen täq’dim itelä. Anıñ öçen tüläw alınmıy.

“Xörriyät” gazetı citkergänçä, “Qanunsız yullar belän çığarılğan 2 äsär Törkiyägä kiterelä”

Törkiyäneñ mädäniyät häm turizm ministrlığınnan belderülärençä, Istpartadan alıp kitelgän Sidamara törendäge läxet häm miladqa qadär 2nçe-3nçe meñ yılğa qarawçı arba modele 15nçe fevral’dä Angliyädän Törkiyägä kitereläçäk.



Bäyläneşle xäbärlär