Törek matbuğatına küzätü 11.02.2020

“Yäni Şafak” gazetı: "Östäl yantaydı"

Änkarada Törkiyä-Rusiyä söyläşüläre däwam itkän çaqta Süriyä rejimınnan yaňa provokaśiya yasaldı. İdlibneň tön’yağındağı Taftanazdağı Törkiyä bazasına yasalğan höcümdä 5 ğaskäriyebez şähit buldı. Höcümgä cawap birgän Törek qorallı köçläre, 115 noqtanı yuqqa çığarıp, 101 rejim xärbiyen täêsirsez xälgä kiterde.

“Star” gazetı: "Cerar: “Sloveniya Törkiyäneň Awrupa Berlege äğ’zalegen yaqlıy"

Sloveniya Baş ministrı urınbasarı häm Tışqı êşlär ministrı Miroslav Śerar, Törkiyäneň migraśiya idaräse mäs’äläsendä alıp barğan uňışlı barışnı täq’dir häm xörmät belän qarşılawların belderep: "Törkiyäne möhim regional’ aktyor bularaq küräbez, Törkiyä häm Awrupa Berlege arasındağı yaqın xezmättäşlekneň kiläçäktä dä artıp däwam itüeneň zarurlığına ışanabız. Sloveniya – Törkiyäneň Awrupa Berlege äğ’zase buluın yaqlıy”, - dip äytte.

“Sabah” gazetı: " 500 milliard dollarlıq färeştä investorlar İstanbulğa kilä"

Global’ irtä êtap kapital salu häm "särmayä bazarlarınıň Davos"ı bularaq qabul itelgän Bötendönya färeştä investiśiya forumı (World Business Angels Investment Forum-WBAF) 500 milliard dollarlıq fondnı citäkläwçe färeştä investorlarnı İstanbulda cıyaçaq. Yözlärçä färeştä investornı 17-18nçe fevral’dä oçraştıraçaq forum 92 ildän küp sanda delegat qatnaşuında uzaçaq.

“Xäbärtürk” gazetı: "Törkiyäneň iň keçkenä kesä iyärçene Yaňa Zelandiyadan ğalämgä oçırtılaçaq"

Zonguldak Bülent Äcävit universitetınıň (BEÜ) “Grizu-263” ğaläm taqımı Amerika Quşma Ştatlarında oyıştırılğan model’ iyärçen bäygesendä dönya ikençese bulğannan soň bu cäyen “kesä iyärçen” dip belengän, 5 santimetr belän Törkiyäneň iň keçkenä mini kub iyärçenen ğalämgä oçırtuğa äzerlänä. Taqım kapitanı Çağla Dursun kesä iyärçenen Yaňa Zelandiyadan oçırtu öçen kiräkle röxsätlärne aluların äytte.

“Xörriyät” gazetı: "Törkiyä turizmda Qıtayğa al’ternativ marşrut bularaq täq’dimnärgä kerde"

Koronavirus kizüennän soň Awrupadan Qıtayğa kongress turizmı öçen baruçılar cähätennän al’ternativ marşrut bularaq täq’dimnärgä kergän Törkiyä kruizlarda da alğı planğa çığa başladı. 2018nçe yılda 247 bulğan Törkiyä portlarına kilgän kruiz köymäläreneň sanı uzğan yılda 344gä citte. Törkiyä kruiz turizmında Qıtaydağı koronavirus êpidemiyasennän soň al’ternativ yünäleş bulıp alğa çıqqan turlar arasına kerep urnaştı.