Törek matbuğatına küzätü 22.01.2020

22nçe ğıynvar könne çıqqan qayber törek gazetlarına küzätü

Törek matbuğatına küzätü 22.01.2020

“Xörriyät” gazetı ministr Çavuşoğlunıñ “Awrupa Berlege êtüçe tügel, tartuçı bulırğa tiyeş” digän süzlären alğı planğa çığara.

Törkiyä tışqı êşlär ministrı Şveyśariyäneñ Davos şähärçegendä kiçä Könbatış Balkannarnıñ diplomatiyä dialogı cıyılışında qatnaştı. Anda ul çığış yasap bolay dide: “Ber ük waqıtta Balkan äğ’zası bularaq Balkannarnıñ totrıqlılığına, andağı qardäşlärebezneñ xozurına zur ähämiyät biräbez. Awrupa Berlege regiondağı illärgä birgän süzlären totarğa tiyeş. Êtüçe tügel, tartuçı bulırğa tiyeş”.

“Xäbär Türk” gazetı Törkiyä belän Rusiyäneñ saqlanu ministrları söyläşüen xäbär itä.    

Sergey Şoygu belän Xulusi Akar telefon aşa söyläşte. Anda Liviyä mäs’äläse häm Yaqın Könçığış belän Tön’yaq Afrikadağı sonğı wäzğıyät’ turında fiker alıştılar.

“Sabax” gazetı isä ministr Varanknıñ İran ilbaşı kiñäşçese Sattari belän oçraşuın citkerä

Törkiyä sänäğat’ häm texnologiyä ministrı Mostafa Varank kiçä İran ilbaşınıñ fän belän texnologiyä öçen cawaplı kiñäşçese Sorena Sattari belän oçraştı. Anda ike ilneñ sänäğat’, texnologiyälär häm fän tarmaqlarında xezmättäşlegen üsterü turında süz bardı.  

“Star” gazetı yazğança, Törkiyä Afrikada qazılma baylıqlar êzläyäçäk.

Törkiyäneñ ênergetika häm tabiğıy çığanaqlar ministrı Fatix Dönmäz ilneñ şaxtaçılıq tarmağındağı täcribäsen Niger belän urtaqlaşırğa teläwen, şul säbäple anıñ kön’yaq-könbatışındağı 3 şaxta mäydanında êzläw uzdırılaçağın belderde.    

“Yaña Şäfaq’” gazetı “Çankırınıñ qıya tozı Törkiyäneñ mediśina tozı ixtiyacın qanäğat’länderä” dip yaza.

Çankırıdağı 5 meñ yıllıq Toz mäğaräsennän çığarılğan qıya tozı fabrikada êşkärtelep sälamätlek saqlaw tarmağında qullanu öçen xäzerlänä. Fabrika mödire Xasan Akgüç Törkiyädäge tulayım qullanunıñ 70-80%ın qanäğat’länderülären belderä.      



Bäyläneşle xäbärlär