Törek matbuğatına küzätü 17.01.2020

17nçe ğıynvar könne çıqqan qayber törek gazetlarına küzätü

Törek matbuğatına küzätü 17.01.2020

“Xörriyät” gazetı ilbaşı Ärdoğannıñ Liviyä turındağı belderülären alğı planğa çığara.

Törkiyä ilbaşı Räcäp Tayyip Ärdoğan: “Liviyädäge qanunlı xökümätneñ ayaqta qaluı öçen bu ilgä xärbilärebezne cibäräbez,”-dide.

“Sabax” gazetı ministr Dönmäzneñ cirle avtomobil’ turındağı süzlärenä iğ’tibarnı cälep itä.

Törkiyä ênergetika häm tabiğıy çığanaqlar ministrı Fatix Dönmäz: “2030nçı yılda Törkiyädä, cirle êlektrlı avtomobil’lärne dä kertep, 1 millionnan artıq êlektrlı maşina qullanılaçağın farazlıybız,”-dide.

“Watan” gazetı ministr Albayraknıñ “2020nçe yılda qabat uñış xikäyäsen yazaçaqbız” digän süzlären alğı planğa çığara.

Törkiyä qazna häm finans ministrı Bärat Albayrak Twitter säxifäsendä bolay dip yazdı: “Tarixtağı iñ zur valyuta höcümnäreneñ täêsiren kiçerdek. Barlıq kürsätkeçlärdä maqsatlarıbızğa ireştek. İnşallah, 2020nçe yılda da barlıq oyışmalarıbız belän iq’tisadta yaña uñış xikäyäse yazaçaqbız”.

“Yaña Şäfaq” gazetı xäbär itkänçä, “Çit ilgä säyäxätlärdä 3 milliard 400 million dollar sarıf itelde”.

Törkiyädän uzğan yılnıñ 9 ayında çit ilgä barğan watandaşlar sanı, annan aldağı yıl belän çağıştırğanda, 11,9%qa arttı. Bu yaqınça 7 million yarım keşe. Alar säyäxät waqıtında 3 milliard 380 million dollar tuzdırğan.

“Star” gazetı Törkiyädä yaman şeşne däwalawdağı yañalıqlar belän urtaqlaşa.

İkençe bötendön’ya suğışı waqıtında Törkiyädä uylap tabılğan çäçäk awıruı vakśinası üzgärtelep immunoterapiyä daruı xälenä kiterelde. Ul yaman şeş däwalawda xastalarnıñ immunitetın kütärep, organizmnı çir belän köräşügä xäzerli.



Bäyläneşle xäbärlär