Törek matbuğatına küzätü 14.01.2020

14nçe ğıynvarda çıqqan qayber gazetlarğa küzätü

Törek matbuğatına küzätü 14.01.2020

“Watan” gazetı yazğança, “İlbaşı Ärdoğan Germaniyägä kitä”.

Törkiyä ilbaşı Räcäp Tayyip Ärdoğan “Berlin konferenśiyäse”ndä qatnaşu öçen 19nçı ğıynvarda Germaniyä başqalası Berlinğa yul totaçaq. Cıyılışta Liviyädä ireşelgän utnı tuqtatu häm Urta diñgezdä bulğan waqıyğalar kön üzägenä çığarılır dip kötelä.

“Xäbär Türk” gazetı İstanbul kanalı belän qızıqsınular turında yaza.

Transport häm infrastruktura ministrı Cahit Turxan İstanbul kanalı aşa ütüce köymälärdän alınaçaq minimal’ yıllıq summanıñ 1 milliard dollar tiräse buluın belderde. Anıñ äytüençä, Niderland, Bel’giyä häm Franśuz firmaları älege proyekt belän qızıqsına. Ul İstanbul kanalına nigä ixtiyac çığuın söyläde. Ministr Bosfornıñ xalıqara diñgez transportları qullanuçı su yulı buluın häm intensiv xäräkätkä duçar qaluın citkerde.

“Yaña Şäfaq’” gazetı “12 aylıq profiśit 2 milliard 725 million dollar buldı” dip xäbär itä.     

Xisaplawlar 2019nçı yılnıñ noyabr’ ayında 518 million dollar defiśit kürsätsä sä, soñğı mäğ’lümatlar 12 aylıq profiśitnıñ 2 milliard 700 millionnan artıq buluın açıqladı.

“Sabax” gazetı “Fond bazarınıñ rekordı belän qızıqsınu zur tizlek belän arta” dip yaza.

Bazarda uzğan atnada başlanğan optimizm üsä bara. İstanbul birjası 2 yıldan soñ 120 meñne ütte. Prośentlar 10,72 belän 2017nçe yılnıñ ğıynvarınnan birle iñ az däräcägä kilde.

“Star” gazetı säwdä ministrı Ruxsar Pekcannıñ Afrika säyäxäte turında citkerä.

Törkiyä säwdä ministrı citäkçelegendäge delegaśiyä bügen Nigeriyägä säyäxät oyıştırıp yaña xezmättäşlek mömkinlekläreneñ işeklären êzläyäçäk. Andağı oçraşulardan soñ Pekcan Marokkoğa kitä. Anda 15nçe ğıynvarda Marokko-Törkiyä biznes-forumı kötelä.



Bäyläneşle xäbärlär