Törek matbuğatına küzätü 07.01.2020
7nçe ğinwar (ğıyn’var) könne basılıp çıqqan qayber törek gazetlarına küzätü
“Sabah” gazetı: “Ärdoğannan açıqlawlar”
İlbaşı Räcäp Tayyip Ärdoğan "Qal’ğa” dip tanıtılğan MİT Milli küzläw oyışmasınıň yaňa binasınıň açılış tantanasında kiçä açıqlawlar yasadı. MİTneň kritik mäs’älälärdä bik möhim wazıyfalarnı üz östenä aluına basım yasawçı Ärdoğan: "Bigräk tä Süriyä krizisı başlağan berençe könnän başlap mäydannarda aktiv rol’ uynawçı oyışmabıznıň çik buyı xäräkätlärebezneň uňışka ireşüendä bik zur xezmäte bar. Xäzer dä Liviyada üz wazıyfaların layıqlı räweştä başqara. Däwlätebezneň häm millätebezneň mänfäğätlären saqlarğa däwam itäçägenä çın yörägemnän ışanam”, - dip äytte.
“Xäbär Türk” gazetı: “Çavuşoğlunnan Söläymani belderüe”
Tışqı êşlär ministrı Mäwlüt Çavuşoğlu Qudüs köçe komandirı İranlı general Qasıym Söläymanineň Amerika Quşma Ştatlarınıň höcüme belän üterelüeneň töbäk totrıqlılığına citdi yanaw täşkil itüenä basım yasadı. Çavuşoğlu kiçä 2019nçı yıldağı tışqı säyäsätne bäyäläw cıyılışın ütkärde. Çavuşoğlu Söläymanineň üterelüe belän bäyle bularaq: "Bu problemanıň xäl itelüe yäki kiyerenkelekneň azaytıluı öçen aldıbızdağı könnärdä başqa illär belän bergä tırışlıq sarıf itärgä däwam itäçäkbez”, - dip äytte.
“Watan” gazetı: “Törkiyädän 4 ayda 158 meň tonna çikläwek êksportlandı”
Törkiyä 4 ayda 158 meň tonna çikläwek êksportı belän 1 milliard 93 million 537 meň 514 dollar kerem täêmin itte. Qara diňgez çikläwek häm êşlänmäläre êksportçıları berlegennän kiçä yazma räweştä yasalğan belderügä kürä, 2019-2020 êksport sezonınıň berençe 4 ayı bulğan 2019nçı yılnıň 1nçe sentäbr’-31nçe dekabr’ çorında standart natural’ êçke çikläwekneň śentnerı yaqınça 661 dollardan satıldı.
“Star” gazetı: “Avtomobil’ tarmağı 2019nçı yılda “iň yuğarı ikençe” êksport citeşterüçänlegenä ireşte”
Avtomobil’ tarmağınıň 2019nçı yıl êksportı 30 milliard 600 million dollar bularaq başqarıldı. Tarmaq uzğan yılda häm bügengä çaqlı iň yuğarı ikençe êksport sannarına häm dä aylıq bazada 2 milliard 550 million dollar tışqı satu urtaça kürsätkeçenä citte.
“Xörriyät” gazetı: “Antaliya turizmı 2019nçı yılda Rusiyä bazarında böten waqıtlarnıň rekordın quydı”
Antaliyağa 2019nçı yılda kilgän här öç turisttan bersen Rusiyälelär täşkil itte. Antaliya vilayäte mädäniyät häm turizm mödirlege mäğ’lümatlärenä kürä, uzğan yılda şähärgä kilgän çit il turistı sanında 2018nçe yılğa qarağanda 17,14% artış terkälde. Antaliyanı 2019nçı yılda saylap alğan 15 million 644 meň 108 turistnıň 5 million 582 meň 763e Rusiyädän kilde.
