Törek matbuğatına küzätü 13.12.2019

“Yäni Şafak” gazetı: “İbrahim Qalın: “Yuq xökemendä””

İlbaşı idaräse süzçese İbrahim Qalın Amerika Quşma Ştatları Senatınıň 1915nçe yılğı ärmän waqiğaların “genośid” dip tanuçı qarar ölgesen qabul itüe belän bäyle bularaq: “Yuq xökemendäge bu qarar säyäsi, xärbi häm iq’tisadi hiçber ölkädä Törkiyäneň xaqlı häm täwäkkäl totışına täêsir itmäyäçäk”, - dip äytte. Qalın “Twitter” aşa yasağan açıqlawında: “AQŞ Senatınıň üz asılın yuğaltqan tarix aňlayışın waq säyäsi xisaplarına qoral itü qararın kisken räweştä gäyeplibez häm kire qağabız. Yuq xökemendäge bu qarar säyäsi, xärbi häm iq’tisadi hiçber ölkädä Törkiyäneň döres häm qatği totışına yoğıntı yasamayaçaq”, - dip äytte.

“Xörriyät” gazetı: “Çavuşoğlu: “İzrail xıyalın berqayçan da tormışqa aşıra almayaçaq”

Tışqı êşlär ministrı Mäwlüt Çavuşoğlu kiçä Marokko başqalası Rabatta İslam xezmättäşlek oyışmasınıň tözelüeneň 50 yıllığı qotlawları qısalarında oyıştırılğan cıyılışta yasağan çığışında Fälästin xalqınıň xaq-xoquqlarınıň alınuı öçen berdänber ömetneň möselmannarnıň berlege buluın belderep: "İzrail Fälästin ileneň êtnik çistartıluı häm rasaçı rejim tudıru xıyalın berqayçan da tormışqa aşıra almayaçaq”, - dip äytte.

“Star” gazetı: “Törkiyä häm Rusiyädän 15nçe urtaq ciröste patryule”

Törkiyä häm Rusiyä xärbiläreneň Färatnıň könçığışında Rasulayn-Kamışlı öleşendäge 15nçe urtaq ciröste patryule ütkärelde.

“Sabah” gazetı: “Kruiz köymäläre "Marella Dream" häm "Amera" Antaliyada”

Mal’ta bayraqlı "Marella Dream" häm Bagama bayraqlı "Amera" isemle kruiz köymäläre kiçä Antaliyanıň Alaniya ilçäsenä kilde. "Marella Dream" isemle köymädä kübese ingliz 1454 turist häm 605 personalnıň buluı belderelde. Portta tuqtağan ikençe "Amera" isemle kruiz köymäsendä isä kübese alman 398 yulçı häm 426 personalnıň buluı äytelde. Tamojnyanı uzğannan soň turistlar Alaniya üzäge, Alaniya qal’ğası belän tarixi häm turistik urınnarnı qaradı.

“Xäbär Türk” gazetı: “UEFAdan xärbi sälam qararı”

Awrupa Futbol Federaśiyäläre berlege (UEFA) A Milli Futbol taqımınıň gol’ söyeneçen xärbi sälam birep qotlawına qağılışlı cäza birelmäyäçägen belderde. UEFA 2020 UEFA Awrupa Futbol çempionatı saylap alularında Törkiyä cıyılma komanda futbolçılarınıň Albaniya häm Franśiya matçlarında gollärdän soň ğaskär sälamın birüe belän bäyle tikşerüdä Törkiyägä nindi dä bulsa ber cäza birmäde.