Törek matbuğatına küzätü 5.12.2019

5nçe dekabr'dä çıqqan qayber törek gazetlarına küzätü

Törek matbuğatına küzätü 5.12.2019

“Xäbär Türk” gazetı Ärdoğannıñ süzläre belän “Süriyä cirlärenä qızığuçılar annan kitsen” dip yaza.

Törkiyä ilbaşı Räcäp Tayyip Ärdoğan Süriyädän terrorçılar çıqqanğa qadär bu ildä qalunı däwam itäçäklären belderde. “Bez Süriyä cirlärenä küz salmadıq, ämma küzläre bulğannar, zinhar, kitsen,”-dide ul.

“Star” gazetı xäbär itkänçä, “Törkiyä NATO sammitında telägänen aldı”

NATO liderlar sammitında Änkara telägän näticä çığarıldı. İttifaqnıñ ğomum särqatibe Yens Stoltenberg iğ’lan itkän deklaraśiyägä “Terrorçılıqnıñ böten törläre häm küreneşläre barıbız öçen yanaw buluın däwam itä” maddäse östälde.

“Yaña Şäfaq’ gazetı citkergänçä, “Törkiyä Urta diñgezdäge uyınnı çikläde”

Törkiyä ênergetika häm tabiğıy resurslar ministrı Fatix Dönmäz Liviyä belän ike arada imzalanğan diñgezdäge yoğıntı mäydannarın çikläw turındağı kileşüne bäyäläde. Ul ike ilne dä Urta diñgezdäge uyınnardan çitläşterergä mataşuların belderde. Xalıqara diñgez xoquqı nigezendä tözelgän kileşü bu uyınğa çik quydı.

“Sabax” gazetı “2020nçe yıl - Törkiyä yılı” dip yaza

Törek iq’tisadında tiz arada torğızılu cirle häm çit il investorlarınıñ telägen arttırdı. İldä 2020nçe yılda üseşneñ tizlänüe häm çit il kapitalınıñ kerüe artu kötelä.

“Xörriyät” gazetı yazğança, “Dön’yanıñ iñ küp zıyarät itelgän şähärläre açıqlandı. İsemlektä Törkiyäneñ 2 urını bar”.

Angliyäneñ “Euromonitor İnterneşnl” strategik tikşerenü oyışması iñ küp turist baruçı şähärlär isemlegen bastırdı. Anda Törkiyädän İstanbul belän Antaliyä dä urın ala.



Bäyläneşle xäbärlär