Törek matbuğatına küzätü 04.12.2019

4nçe dekabr’ könne basılıp çıqqan qayber törek gazetlarına küzätü

Törek matbuğatına küzätü 04.12.2019

“Sabah” gazetı: “Ärdoğan liderlarğa “Strategik İttifaqnıň köçle äğ’zase Törkiyä” kitabın büläk itte”

İlbaşı Räcäp Tayyip Ärdoğan NATO Liderlar sammitı mönäsäbäte belän Angliya başqalası Londonda uzdırılğan Süriyä temalı dürt yaqlı yuğarı däräcäle oçraşuda Êlemtä dairäse 4 teldä äzerlägän “Strategik İttifaqnıň köçle äğ’zase Törkiyä” isemle kitapnıGermaniya kanślerı Angela Merkel, Angliya Baş ministrı Boris Johnson häm Franśiya Däwlät başlığı Êmmanuêl Makronğa täq’dim itte.

“Watan” gazetı: “Litvadan Törkiyägä ışanıç xatı”

Litva Tışqı êşlär ministrı Linas Linkevicius Amerika Quşma Ştatlarınıň “YPG/PKK” separatist terror oyışması da yanaw bularaq kürsätelgän planğa qarşı çığuınnan soň Törkiyäneň dä NATOnıň Baltıyq illärenä qağılışlı saqlanu planın raslamawı mäs’äläsendä Törkiyägä ışanuların, mäs’älä belän bäyle tärtipkä salunıň däwam itüen äytte.

“Xäbär Türk” gazetı: “Qatar Törkiyägä tağın 7 milliard dollar kapital salaçaq”

Qatar Finans üzäge başlığı Yousuf Al-Jaida ileneň Törkiyägä investiśiya kertüen däwam itäçägen belderde. Barı tik bank tarmağında ğına tügel, toraq milege sektorında da 10 milliard dollarlıq yöklämäneň 35%ınıň başqarıluın belderüçe Jaida: “Törkiyägä salınaçaq tağın 7 milliard dollar bar”, - dip äytte.

“Yäni Şafak” gazetı: “İstanbul dönyada iň küp yaratılğan megapolislär arasında”

İngliz bazar tikşerü oyışması “Euromonitor International” “dönyada iň küp yaratılğan megapolislär isemlege”n bastırdı. İsemlektä Törkiyädän İstanbul da bar.

“Star” gazetı: “Törkiyä Xäläl yärminkäsendä 50 il täq’dir itelde”

İslam xezmättäşlek oyışması êşçänlege qısalarında 28nçe noyabr’-1nçe dekabr’ könnäre arasında oyıştırılğan berdänber xäläl yärminkä bulğan İslam xezmättäşlek oyışması Xäläl yärminkäneň cidençese İstanbul Awraziya tamaşa häm sänğät üzägendä uzdı.



Bäyläneşle xäbärlär