Törek matbuğatına küzätü 3.12.2019

3nçe dekabr'dä çıqqan qayber törek matbuğatı çaralarına küzätü

Törek matbuğatına küzätü 3.12.2019

“Yaña Şäfaq” gazetı yazğança, “Ärdoğan belän Putin 8nçe ğıynvarda İstanbulda oçraşaçaq”

Kreml’dän yasalğan belderügä qarağanda, Putinnıñ Törkiyägä säfäre waqıtında “Törek ağımı” gazütkärgeçen êşlätep cibärü planlaştırıla. Proyekt Rusiya tabiğıy gazın Qara diñgez häm Törkiyä aşa Awrupağa iltäçäk.

“Watan” gazetı “Törkiyäne Urta diñgezdä Liviyä belän kürşe yasağan kileşü” turında yaza

İlbaşı Räcäp Tayyip Ärdoğan belän Liviyä milli kileşü xökümäte şurası räise Fayez Äl Sarraj diñgezdäge yoğıntı mäydannarın çikläw belän bäyle kileşüne 27nçe noyabr’dä imzaladı. Älege dokument buyınça tözelgän karta sośial’ mediada çıqtı. Ul Törkiyä tışqı êşlär ministrlığınıñ räsmi Twitter bitendä dä bar.

“Xäbär Türk” gazetı Milli saqlanu ministrlığınıñ “Törkiyä NATOdağı wazıyfaların cirenä citkeräçäk” digän süzlären yaza

Milli saqlanu ministrlığınıñ cämäğat’çelek belän êlemtälär dairäse xezmätkäre Olcay Denizer matbuğat cıyılışında bolay dip belderde: “NATO ilebezneñ iminlegen täêmin itüdä ähämiyätle rol’gä iyä bulğan, däwlätebez dä härçaq üzeneñ cawaplılıqlarına cirenä citkergän häm monı däwam itäçäk”.

“Xörriyät” gazetı xäbär itkänçä, “Törkiyäneñ üseş tizläneşe arta bara”.

Törkiyäbıyılnıñ öçençe çiregendä başlanğan uñay tizläneş belän 0,9% üseşkä ireşte. Qazna häm finans ministr Bärat Albayraq tendenśiyäneñ däwam itüen belderde.    

“Star” gazetı böten dön’yada tanılğan iq’tisadçı Nuriêl’ Rubininıñ Törkiyä iq’tisadı turındağı farazların citkerä.

Ul Törkiyä iq’tisadınıñ uzğan yılnıñ ikençe yartısında valyuta krizisı häm finans basımnarı näticäsendä kilep çıqqan torğınlıq çorınnan çığuın belderde. “Êksportnıñ tağın da köndäşçel buluı belän defiśit kimede. Törkiyädä iq’tisadi üseş uñay däwam itäçäk häm kiläse yılda üseş 3% tiräse bulaçaq,”-dide ul.



Bäyläneşle xäbärlär