Törek matbuğatına küzätü 02.12.2019

2 nçe dekabr' könne basılıp çıqqan qayber törek gazetlarına küzätü

Törek matbuğatına küzätü 02.12.2019

 

 

”Xäbär Törek” gazetınıñ “Çavuşoğlu İstanbul kanalı xaqında “Tarix üzgäräçäk” dip belderde” isemle xäbärennän kürengänçä, Törkiyä tışqı êşlär ministrı Mävlüt Çavuşoğlu kiçä Antaliyada yasağan çığışında Törkiyä nığıy, üsä barğan sayın anıñ qarşındağı problemalarnıñ zurlığı da üzgärüen belderde.Ul  “İstanbul kanalı proyektı başlanğanda dönyada diñgezçelek häm transport cähätennän tarix üzgäräçäk. Bu proyekt borılış noqtası bulaçaq”dide.

 

”Sabah” gazetı ”Terror oyışmalarına qarşı yul kontrol’ punktları tözelä” isemle xäbärendä Törkiyä saqlanu ministrlığınıñ imin töbäk buldıru qısasında ”PKK/YPG” terror oyışmasınıñ tınıç xalıqnı maqsat itep alğan terror höcümnärenä qarşı yul kontrol’ punktları tözüneñ däwam itüe turında belderüen citkerä.

 

”Vatan” gazetı “Ministrlıq terrorçınıñ ildän cibärelüen belderde” isemle xäbärendä yazğança, Törkiyä êçke êşlär ministrlığı  çit il watadandaşı bulğan terrorçı suğışçılarnı illärenä tapşırunıñ däwam itüen belderde.  Bu qısada İrlandiya watandaşı bulğan 1 terrorşçı kiçä Törkiyädän üz ilenä cibärelde.

 

”Star” gazetı “Çit il turistı sanı 41 millionğa citte” isemle xäbärendä Törkiyägä ağımdağı yılnıñ 10 ayında 40 million 719 meñ 786 çit il turistı kilüe turında yaza. Bu isä uzğan yılnıñ şul uq çorı belän çağıştırğanda 14,47%qa kübräk.

 

”Yaña Şafak” gazetı “Daun sindromlı sportçıdan tarixi uñış” isemle xäbärendä Daun sindromlılarnıñ Bötendönya dzyudo çempionatında törek sportçısı Talha Äxmät Ärdämneñ altın medal’ yawlawın uquçıları belän urtaqlaşa.


 

 



Bäyläneşle xäbärlär