Törek matbuğatina küzätü 27.11.2019

“Xörriyät” gazetı “Kritik cıyılış 4 säğat’ däwam itte” dip yaza.

Törkiyä ilbaşı Räcäp Tayyip Ärdoğan citäkçelegendäge Milli iminlek şurası utırışı kiçä 4 säğat’ 10 minut bardı. Anda töp tema -  “Solıx çişmäse” xäräkäte bula. Anı maqsatına ireşkängä qadär däwam itärgä digän qarar çığarıla.

“Xäbär Türk” gazetı yazğança, “S-400lär mäs’äläsendä prośess planlaştırılğan şikelle bara”.

Törkiyä milli saqlanu ministrı Xulusi Akar S-400 hawa saqlanu sistemaları belän bäyle belderü yasadı. “Här närsä açıq. Här närsä tiyeşençä. Tapşıru üze ber prośess. Ütärgä tiyeşle ğamällär bar. Planlaştırılğan şikelle bara,”-dide ul.   

“Sabax” gazeı isä Çavuşoğlunıñ belderüen yaza.

Törkiyä tışqı êşlär ministrı Mäwlet Çavuşoğlu belderüendä bolay dide: “S-400lärne urnaştırmaw yäisä qullanmaw mäs’äläsendä berkem qarşında burıçıbız yuq. Hawa saqlanu sistemasına ixtiyacıbız bulğan öçen aldıq”.

“Yaña Şäfaq’” gazetı xäbär itkänçä, “Terrorçı oyışmasında êrü çorı däwam itä”  

Törkiyä êçke êşlär ministrlığınıñ Vandağı terrorçılıq belän köräş idaräse tarafınnan alıp barıluçı künderü êşçänlege qısalarında kiçä tağın 2 terrorçı Şırnaknıñ Cizrä rayonı çik bıyı sızığınnan iminlek xezmätkärlärenä birelde. Şulay itep, bıyıl üze täslim bulğan terrorçı sanı 235kä citte.

“Star” gazetı “Ministr Varank söyençe aldı” dip citkerä

Törkiyä sänäğat’ häm texnologiyä ministrı Mostafa Varank beldergänçä, milli yuğarı tizlekle poyezd proyektı qısalarında täwge prototip 2023nçe yılda rel’slarğa quyılaçaq. “Şul uq räweşle diñgez texnologiyäläre häm köymä yan sänäğatebezneñ dä köndäşlek köçen arttıru öçen êşçänlegebez däwam itä,”-di ul.