Törek matbuğatına küzätü 8.11.2019

8nçe noyabr' könne çıqqan qayber törek gazetlarına küzätü

Törek matbuğatına küzätü 8.11.2019

“Xäbär Türk” gazetı “İlbaşı Ärdoğannıñ çaqıruına - zur qızıqsınu” dip yaza

Törkiyä awıl häm urman xucalığı ministrlığınıñ “Kiläçäkkä sulış bul” şiğare belän 28nçe oktyabr’dä iğ’lan itkän 11 million ağaç utırtu kampaniyäse zur qızıqsınu uyattı. 11 million 47 meñ 430 üsentene berniçä kön êçendä aldılar. İlbaşı Räcäp Tayyip Ärdoğan 11nçe noyabr’ könne säğat’ 11 tulıp 11 minutta böten ildä ber ük waqıtta başqarılaçaq ağaç utırtu çarasına barlıq watandaşlarnı çaqırdı.

“Yaña Şäfaq” gazetı “ANKA küktä 26 säğat’ 30 minut oçıp rekord yasadı” dip xäbär itte

Milli keşesez hawa apparatı ANKA ber könnän ozaq waqıtlı oçış ğamälgä aşırdı. Ul 26 säğat’ yarım hawada qalıp rekord yasadı.  

“Star” gazetı AQŞnıñ “Törkiyä oçqıçlarıbıznı küzätä başlayaçaq” digän belderüen alğa planğa çığara

Amerika Quşma Ştatlarınıñ saqlanu ministrlığı särqatibe Êllen Lord Törkiyäneñ Rusiyädän satıp alğan S-400 hawa saqlanu sisteması belän tizdän regiondağı oçqıçlarnı küzätergä xäzer bulaçağın äytte. Ul Pentağonda uzğan brifingtağı çığışında sistemanıñ yıl axırında tulı köçenä êşli başlayaçağın xäbär itte.

“Sabax” gazetı yazğança, Awrupa Berlege Törkiyä iq’tisadınıñ zur tizlek belän ayaqqa basuın belderde

Awrupa Berlege 2019nçı yıl köze iq’tisadı farazlar xisabında Törkiyäneñ uzğan yıl başlanğan valyuta krizisınnan soñ finans stimulları häm êksporttağı artu belän bergä kötelgännän tağın da tiz tözälüenä iğ’tibarnı cälep itte.

“Xörriyät” gazetı “Millionerlarnıñ kertemnäre 9 ayda 145 milliard lirağa arttı” dip citkerä.

Xisabında 1 million lira yäisä artığraq aqçası bulğan kertemce sanı 9 ayda 26 meñ 763kä citte. Alarnıñ tulayım depozitları isä 145 milliard 400 million lirağa arttı.



Bäyläneşle xäbärlär