Törek matbuğatına küzätü 28.10.2019

“Xörriyät” gazetı Ärdoğannın üterelgän DEAŞ terrorçı oyışması atamanı Bağdadi turındağı belderüen alğa planğa çığara

Törkiyä ilbaşı Räcäp Tayyip Ärdoğan, kiçä belderü yasap: “DEAŞ terrorçı oyışması atamanınıñ täêsirsez xälgä kiterelüe terrorçılıqqa qarşı berlektäşlärebez belän alıp barğan köräşneñ ähämiyätle borılış noqtası,”-dide.

“Watan” gazetı yazğança, “Barlıq terrorçı liderlarnıñ yuq itelü waqıtı citte”

Törkiyä ilbaşı idaräseneñ êlemtä bülege başlığı Fäxrettin Altun Twitter aşa yasalğan belderüendä: “Terrorçılıqqa qarşı duslarıbız häm berlektäşlärebez belän här şäkeldä êşçänlekne däwam itteräbez. Barlıq terrorçı liderlarnıñ yuq itelü waqıtı citte,”-dide.

“Star” gazetı “Sabixa Gökçän xalıqara aêroportı aşa 240 million yulçı ütte” dip yaza

İstanbuldağı Sabixa Gökçän aêroportı terminal binası 2009nçı yılnıñ 31nçe oktyabrendä qullanılışqa kergän ide. Şul waqıttan birle 10 yıl êçendä anıñ aşa 240 million yulçı ütte.

“Xäbär Türk” gazetı citkergänçä, “8 ayda 80 ilgä 100 million dollarlıq kürek êksportlandı”

Törkiyädän bıyılnıñ ğıynvar-avgust ayları çorında 80 däwlätkä yaqınça 100 million dollarlıq kürek (mex) satıldı. Berençe urında Kön’yaq Koreya. Älege ilgä barlığı 16 million 780 meñ dollarlıq tovar çığarıldı.

“Sabax” gazetı yäş’ atletlarnıñ 17 altın medal’ aluın xäbär itä

Rumıniyädä tögällängän yäş’lär häm 23 yäş’kä qadärgelär arasında uzğan Awrupa  awır atletika çempionatınnan Törkiyä komandası 17 altın, 8 kömeş häm 13 bronza medal’ belän qayttı.