Törek matbuğatına küzätü 26.08.2019
26nçı abgust könne çıqqan qayber gazetlarğa küzätü
“Star” gazetı Törkiyäneñ Kärküktäge höcümne ğayepläwen alğı planğa çığara
Törkiyä Ğıyraqnıñ Kärkük töbägendä 6 törekmänneñ ülemenä kitergän höcümnärgä rizasızlığın belderde. Tışqı êşlär ministrlığınnan yasalğan belderüdä Ğıyraq xökümäteneñ älege terrorçılıq çaraların oyıştıruçılarğa tiyeşle cäza biräçägenä ışanıç belderelä.
“Yaña Şäfaq” gazetı xäbär itkänçä, İranda törek tele däresläre başlana.
İrannıñ Könçığış Azärbaycan cirlegendäge mäktäplärdä yaña uqu yılında törek tele kerä başlıy. Balalar atnada ike säğat’ törekçä öyränäçäk.
“Watan” gazetı qorallı dron Songar belän bäyle xäbär urnaştıra
Törkiyäneñ täwge milli qorallı dronı Songar öçen zakaz alu başlandı. Ul tizdän Törkiyä qorallı köçläreneñ dä qullanışına keräçäk.
“Xörriyät” gazetı “Millionnarça keşe zıyarät itte” dip yaza
Törkiyä tarım häm urman ministrı Bäkir Pakdämirli Qorban bäyrämen dä kertep 10nçı-18nçe avgust könnärendä saq astındağı tabiğat’ häm milli parkların 4 million 412 meñ 418 keşe zıyarät itüen belderde.
“Sabax” gazetı yazğança, “Bäylelek asılı” Oskar yulında
Sämih Kaplanoğlunıñ “Bäylelek asılı” fil’mı Törkiyäneñ 92nçe Oskar büläklärenä kandidatı bularaq kürsärtelde. Tantana kiläse yılnıñ fevralendä ütäçäk.
