Törek matbuğatına küzätü 01.07.2019
1nçe iyül' könne çıqqan qayber törek gazetlarına küzätü
“Watan” gazetı yazğança “İlbaşı Ärdoğan Yaponiyäne FETO turında kisätte”
Törkiyä ilbaşı Räcäp Tayyip Ärdoğan Yaponiyädäge Nagoya Bunri universitetı mädäni forumında ähämiyätle belderülär yasadı. Anda ul törek cämäğat’çelege belän oçraştı. “Küzen qomsızlıq, näfrät häm üç qaplağan Fätxullaxçı terrorçı oyışması äğ’zalarına ilebezneñ däräcäsen pıçratırğa röxsät birmäyäçäkbez. Qulları qanlı terrorçı oyışması belän köräştä sezdän teläktäşlek kötäbez,”-dide Ärdoğan.
“Sabaz” gazetı “Tışqı êşlär ministrı Liviyanı kisken räweştä kisätte” dip yaza
Törkiyä Liviyädä Xalifä Xafter köçläre tarafınnan qulğa alınğan törek watandaşları irekkä cibärelmäsä, Xafter äğ’zalarınıñ awlanaçaq maqsat xälenä kiläçäge xaqında kisätte.
“Xörriyät” gazetı xäbär itkänçä, “Antaliyädä rekord quyıldı”
Antaliyägä 29nçı iyün’ şimbä könne hawa yulı belän 90 meñ 889 turist kilde. Bu kürsätkeç belän şähärdä könlek rekord yasaldı.
“Star” gazetı “Törkiyäneñ Yavuz borawlaw köymäse Märsin sulıqlarında” dip yaza
Törkiyäneñ ikençe borawlaw köymäse “Yavuz” kiçä Märsin sulıqlarına yakor’ attı. Äzerleklär betkännäñ soñ ul borawlaw êşläre öçen Kipr sulıqlarına taba xäräkät itäçäk.
“Xäbär Türk” gazetı yazğança “Busä Naz Çakıroğlu altın medal’ yawladı”
Belarus’ başqalası Minskida oyıştırılğan 2019nçı yıl Awrupa uyınnarınıñ soñğı könendä törek milli boksçısı Busä Naz Çakıroğlu finalda Rusiyä sportçısı Svetlana Soluyanova belän oçraştı. Çakıroğlu köndäşen ringta 4kä 1 ciñep altın medal’gä iyä buldı.
