Törek matbuğatına küzätü 20.05.2019

“Yäni Şafak” gazetı: “Törkiyäneñ milli xärbi oçqıçı 2023tä çığaçaq”

Saqlanu sänäğäte ministrı İsmail Dämir millî xärbi oçqıçnıñ “F-16”larnıñ urının alaçağın belderde. Oçqıçnıñ ğomum üzençälekläreneñ bilgele buluın assızıqlawçı Dämir: “Oçqıçıbıznıñ tübän sistemaları öçen êşçänlek däwam itä. Oçqıçıbız 2023nçe yılda angardan çığaçaq”, - dip äytte. Dämir programmanıñ bilgele etaplarında yaña çit il urtaqlıqları-partnyorlarınıñ bula alaçağına basım yasadı.

“Star” gazetı: “Törkiyä Könçığış Urta diñgezdä xoquqların êzlärgä däwam itäçäk”

Ênergetika häm tabiği (tabiğıy) çığanaqlar ministrı Fatih Dönmäz zur häm köçle Törkiyä maqsatları öçen adımnar yasarğa däwam itäçäklären belderde. “Bez ber berdäm bulğan sayın, êre bulğan sayın, tere bulğan sayın berkem dä bezne maqsatıbızdan çitläşterä almas”, - dip äytüçe ministr Dönmäz: "Könçığış Urta diñgezdä ilebezneñ, millätebezneñ häm Tön'yaq Kipr Törek Cömhüriyäteneñ xoquqların saqladıq häm saqlarğa däwam itäçäkbez”, - dip äytte.

“Watan” gazetı: “Aziyädän Törkiyägä 466 million dollarlıq kapital salu”

2018nçe yılnıñ mart ayında 835 million dollar külämendä başqarılğan çit illärdä yäşäwçe keşelärneñ Törkiyädäge turıdan-turı investiśiyäläre 2019nçı yılnıñ şul uq çorında 820 million dollar buldı. Şuşı çorda Törkiyägä turıdan-turı kapital salularınıñ 466 million dolları Aziya, 342 million dolları Awrupa, 10 million dolları Amerika häm 2 million dolları Afrika investorlarınnan salındı. Bu räweşle Törkiyägä mart ayında kertelgän turıdan-turı investiśiyälärneñ 56,8%ın Aziyalı investorlar yasadı.

“Xäbär Türk” gazetı: “Tarixi häm mädäni potenśial turizmğa qazandırılaçaq”

Mädäniyät häm turizm ministrı urınbasarı Nadir Alpaslan Törkiyäneñ tarixı häm mädäniyäte belän dönyanıñ tiñsez baylığına iyä xäzinä östendä buluın äytte. Keşelek tarixınıñ şuşı cirlärdä başlap bügengä qadär üsüen añlatuçı Alpaslan şuşı tarixi macarada adäm balasınıñ tiñsez äsärlären şuşı tufraklarda qaldıruın belderde.

“Xörriyät” gazetı: “İräm Yaman tarix yazdı! 2nçe tapqır dönya çempionı”

Bötendönya txêkvondo çempionatında milli sportçı İräm Yaman xatın-qızlar arasında 62 kiloda altın medal’ qazandı.