Törek matbuğatına küzätü 19.04.2019

“Sabah” gazetı: “İlbaşı Ärdoğannan “Financial Times”qa kisken reakśiya”

İlbaşı Räcäp Tayyip Ärdoğan, “Financial Times”nıñ Törkiyä turında yasağan asılına turı kilmäwçe xäbärlärgä iğ’tibarnı yünältep: "Törkiyä bularaq soñğı yıllarda xalıqara qaralaw kampaniyasına duçar bulabız. Xäzerge waqıtta ilemdäge iq'tisadi wazğiyät (wazğıyät’) belän bäyle bularaq könbatış böten media organnarı belän iq’tisadıbıznı qaqşağan kebek kürsätä. Sez närsä genä yasamağız, Törkiyä tup-turı ayaqta tora, köçäyep yulına däwam itäçäk”, - dip äytte.

“Star” gazetı: “Qalın: “Törkiyä-Süriyä çigendä imin töbäk ğamäli bularaq buldırıldı””

İlbaşı idaräse süzçese İbrahim Qalın Törkiyä-Süriyä çigendä imin töbäkneñ ğamäli bularaq oyışuın äytte. Qalın İlbaşı Räcäp Tayyip Ärdoğan räislegendä kiçä ütkärelgän kabinet cıyılışı belän bäyle matbuğat oçraşuın oyıştırdı. İbrahim Qalın Süriyäneñ Münbiç töbägendä törek häm amerikan xärbiläreneñ urtaq patryul’ êşçänlegeneñ däwam itüen häm yaña patryul’ êşçänlege öçen dä söyläşülärneñ däwam itüen belderde. Qalın: "Bezneñ kötkänebez - Münbiç yul kartasınıñ tiz arada tormışqa aşırıluı häm Färatnıñ könçığışında hiçber terror êlementınıñ urnaşuına röxsät birelmäwe”, - dip assızıqlap äytep uzdı.

“Xäbär Türk” gazetı: “Antaliya turizm sezonına äzer”

Bıyıl 16 million turistnı qunaq itüne maqsat itüçe häm täq’dim itkän mömkinleklär belän Awrupada ürnäk bulıp toruçı Törkiyä turizmınıñ başqalası Antaliyada turistlarnıñ iñ yaxşı räweştä qabul itelüe öçen äzerleklär tämamlandı. Antaliyada qunaqxanälärneñ qışın yabılğan plajlarına pristannär yañadan salındı, neçkä qom taşıldı, bigräk tä ğailälär bik saylap alğan küşäk çatırlar yañartıldı.

“Xörriyät” gazetı: “Törkiyädän 60 ilgä ağaç êşkärtü cihazları êksportı”

Ağaç êşkärtü caylanmaları häm bäyläneşle sänäğäte êşmäkärläre cämğiyäte (cämğıyäte) (AİMSAD) başlığı Mustafa Sabri Ärol ağaç êşkärtü cihazlarınıñ häm bäyläneşle sänäğäteneñ här uzğan kön qamilläşüen, üsüen, il iq’tisadına möhim öleş kertüen äytte. Ärol Törkiyäneñ yaqınça 60 ilgä ağaç êşkärtü caylanmaların êksportlawın belderde. AİMSAD Başlığı Ärol: “2018nçe yılda 120 million dollar êksportıbız, 60 million dollar importıbız buldı. Bıyılğı berençe öç aylıq mäğ’lumatlärgä kürä, 100 caylanma importlasaq, 400 cihaz êksportlıybız," – dip belderde.

“Yäni Şafak” gazetı: “İzmirneñ boyoz yaña tämnär belän dönya bazarında”

İzmirneñ geografik işarät bularaq terkälgän tatlı aşamlıqlarınnan boyoz törle läzzät belän täq’dim itelüe öçen labne sırı, şokolad, kokos, fistaşka häm incir kebek rizıqlar belän tämländerelep, Amerika Quşma Ştatları häm Awrupa bazarına täq’dim itelde. Boyoz idarä şurası başlığı Musa Turan maqsatlarınıñ tradiśion läzzätne tağın da kübräk keşegä citkerü buluın assızıqladı.