Törek matbuğatına küzätü 11.04.2019
11nçe aprel' könne çıqqan qayber törek gazetlarına küzätü
“Star” gazetı “İlbaşı Ärdoğannıñ Färat yılğasınıñ könçığışına operaśiyä xäbäre” turında yaza
Törkiyä ilbaşı Räcäp Tayyip Ärdoğan Änkaranıñ Gölbaşındağı Maxsus xäräkät bülege idaräseneñ yaña binası açılışında çığış yasadı. Ul anda: “Çiklärebez yanında tözergä mataşuçı terrorçılıq koridorı belän bezne tezländerergä uylawçılrğa ğamällärebez belän monıñ mömkin bulmawın kürsättek. Şuña qaramastan, äle xaman ber ük sśenariynı däwam itüçelärgä tizdän alar añlıy ala torğan teldä yaña xäbär cibärerbez,”-dip söyläde.
“Sabax” gazetı yazğança, “TUSAŞ Törkiyädä oçqıç häm boralaq çığaru öçen zur ob’yekt tözi”
Törkiyä aviaśiyä häm ğaläm sänäğate TUSAŞ ildäge iñ zur, dön’yada ber tübä astındağı 4nçe kompozit çığaru liniyäsen qora. Ul Änkaranıñ Kaxramankazan rayonında urnaşa. Ob’yektqa 181 million dollar investiśiyä kertelä. Êşxanä dön’ya külämendä hawa qorılmalarınıñ kompozit ixtiyacınıñ 2%ına cawap biräçäk.
“Yaña Şäfaq’” gazetı “Törkiyä belän Rusiyäneñ urtaq boralaq çığaru xäbäre” turında yaza
“Rusiyä boralaqları” general’ direktorı Andrey Boginskiy Törkiyäneñ xärbi boralaqlar çığaruda uñay täcribäse buluın assızıqladı. “Monı grajdannar tarmağına da cäyelderergä mömkin potanśial’ bularaq qarıybız,”-dide ul. Anıñ äytüençä, urtaq texnikanı Törkiyäneñ citdi iq’tisadi häm säwdä bäyläneşläre bulğan illärneñ bazarına êksportlarğa bula.
“Watan” gazetı yazğança, “SNN İnterneşnl İstanbul aêroportın maqtadı”
İstanbul aêroportına “zur küçenü” tamamlandı. 5nçe-6nçı aprel’ könnärenä planlaştırılğan waqıttan tağın da irtäräk başqarılğan küçenü operaśiyäsennän soñ İstanbul aêroportı barlıq neçkälekläre belän Amerikanıñ SNN İnterneşnl kanalında urın aldı. Anda täwge cömlä “Törkiyäneñ mega aviaśiyä proyektı oçışqa äzerlänä” buldı.
“Xörriyät” gazetı “İnglizlär açıqladı: Awrupanıñ iñ yaxşı plyajları! Törkiyäneñ 5 urını isemlektä” dip xäbär itä
Angliyäneñ “The Guardian” basması Awrupanıñ in yaxşı plyajların bäyäläde. İsemlektä Törkiyäneñ 5 cirlege bar. Bolar: Kämärdäge Çıralı plyajı, Muğlanıñ Uzunyurt awılı yanındağı Kabak plyajı, Antaliyädäge Patara, Çanakkaledä - Akvarium qomlığı, Dal’yanda - İztuzu plyajı.
