Törek matbuğatına küzätü 9.04.2019

9nçı aprel' könne çıqqan qayber törek gazetlarına küzätü

Törek matbuğatına küzätü 9.04.2019

“Watan” gazetı “İlbaşıbız Ärdoğan belderde: maqsatıbız 100 milliard dollar” dip yaza

İlbaşı Räcäp Tayyip Ärdoğan häm Rusiyä däwlät başlığı Vladimir Putin Mäskäwdäge Yuğarı däräcäle xezmättäşlek cıyılışında çığış yasadı. Ärdoğan anda: “Säwdä äyläneşendä maqsatıbız 100 milliard dollarğa citü,”- dide.  Putin isä kön üzägendäge tağın ber mäs’älä - S-400 sistemaların Törkiyägä tapşıru êşen xäterlätte.

“Xäbär Türk” gazetı “Törkiyäneñ Liviyä belderüe: zur xäwef toyğısı” dip xäbär itä

Törkiyä Liviyä başqalası Tripoliğa xärbi xäräkät näticäsendä tuğan wäzğıyät’ öçen borçıluın belderde. Ul ike tarafnı da ayıq aqıllı bulırğa çaqırdı. Tışqı êşlär ministrlığınnan yasalğan belderüdä: “BMO ğomum särqatibe häm Liviyä maxsus wäkileneñ ildä kiyerenkelekne kimetü yünäleşendäğe tırışlıqların Törkiyä tulısınça yaqlıy. Böten xalıqara cämäğat’çelekneñ dä bu mäs’älädä urtaq poziśiyä häm qararlılıq kürsätüeneñ ähämiyätle buluın belderäbez.  

“Xörriyät” gazetı yazğança, “Kapadokiya turizm sezonına tiz kerde”

Kapadokiyada yılnıñ täwge çiregendäge turist sanı uzğan yılnıñ şul uq çorı belän çağıştırğanda 14,5 %qa artıp 440 meñ 686 keşegä citte. Cirlek Törkiyäneñ tabiğat’, tarix häm mädäniyät turizmında ähämiyätle urın tota. Bıyılnıñ başınnan uq aña turistlar zur östenlek birde.

“Sabax” gazetı “Göbäklitäpä belän qıtaylarnıñ qızıqsınuları arta” dip belderä  

Şanlıurfadağı YuNESKO dön’ya mirası isemlegendä urın alğan Göbäklitäpägä kilüçe qıtaylarnıñ sanı arta. Xäzerge waqıtta Qıtaynıñ in zur ike telekanalı tarixi cirlektä tapşıru töşerä. Bilgele bulğança, 2019nçı yıl “Göbäklitäpä yılı” iğ’lan itelde. Şunnan soñ tarixi urınnı Törkiyädä häm çit illärdä tanıtuğa citdi räweştä totındılar.

“Star” gazetı “Törek tözeleş tarmağı Katarğa desant töşeräçäk” dip yaza  

29nçı aprel’-1nçe mayda Katarda Xalıqara tözeleş texnologiyäläre, materialları, caylanmaları häm êkologik texnologiyälär kürgäzmäse ütäçäk. Anda Törkiyäneñ 3 êksport berlege qatnaşaçaq.



Bäyläneşle xäbärlär