Törek matbuğatına küzätü 26.02.2019

“Sabah” gazetı: “Ministr Varank söyeneçne citkerde. Antarktikada waqıtlı belem bazasın tözedek”

Sänäğät’ häm texnologiya ministrı Mustafa Varank Törkiyäneñ Antarktikada waqıtlı belen bazasınıñ qorıluın äytte. Antarktikadağı törek ğalimnärennän torğan törkemnän fotosürätlär kilep citüen belderüçe Varank: “Antarktikada waqıtlı belem nığıtmabıznı tözedek. Bayrağıbıznı anda celferdätü bezneñ öçen ğorurlıq. Ğalimnärebezgä räxmätläremne citkeräm. İlebezgä xäyerle bulsın”, - dip äytte.

“Star” gazetı: “Törkiyägä 2018dä 13 milliard 163 million dollarlıq turıdan-turı kapital salındı”

İlbaşı idaräse kapital salu ofisı başlığı Arda Ärmut Törkiyäneñ uzğan yılda 13 milliard 163 million dollar külämendä xalıqara turıdan-turı kapital salu miqdarına citüen äytte. Ärmut bu artunıñ Törkiyä iq’tisadına xis itelgän ışanıç häm il potenśialınıñ näticäse buluın, alğa kitkän illärneñ xalıqara investiśiyälärdän alğan paynıñ, öleşneñ tora-bara azayuın assızıqladı. Arda Ärmut uzğan yılda Törkiyägä iñ küp kapital salğan ilneñ Niderland buluın, bu ildän soñ Azärbaycannıñ kilüen dä äytte.

“Watan” gazetı: “Turistlar "Könçığış êkspressı" käyefen “turizm poyezdı”nda yäşäyäçäk”

Mädäniyät häm turizm ministrı Mäxmät Nuri Ärsoy “Könçığış êkspressı”nıñ soñğı waqıtlarda turizm maqsatlı qullanıla başlanuın belderep, tağın yaña ber poyezdnı oyıştıraçaqları söyeneçen citkerde. Ärsoy: ““Könçığış êskpressı kötmägändä turistik poyezd bula başladı. Xäzer bez dä şulay bulğaç maqsatına turı kilä torğan tağın ber poyezd oyıştırıyıq dip uyladıq. Turistik maqsatlı baruçılar da şul poyezd belän säyäxät itär. Häm “Könçığış êkspressı” wazıyfasın başqarsın, häm dä maqsatına yaraşlı tağın ber turizm poyezdın yasıyq”, - dip äytte.

“Xäbär Türk” gazetı: “Göbäklitäpä yılı turist ağımı belän başladı”

Turizmda 2019nçı yılnıñ "Göbäklitäpä yılı" dip iğ’lan itelüe belän kötelgännär artqan Şanlıurfada xäräkätlelek yäşänä. Töbäk turist sanı cähätennän ğinwar (ğıynvar’) häm fevral’ ayların 60% tulılıq belän uzdırdı. Uzğan yılda da turizmda xäräkätle könnär yäşägän şähärgä ber millionnan kübräk cirle häm çit il turistı kilgän.

“Xörriyät” gazetı: “"Dangal" fil’mında añlatılğan hind köräşçese Ädirnädä lager alanında”

Tormışı “Bollywood”nıñ möhim fil’mnarınnan "Dangal" fil’mında bağışlanğan hind milli köräşçese Geeta Phogat Ädirnädä lager alanında waqıtın uzdıra. Phogat un kön buyı Törkiyäneñ sanawlı olimpiada köräş belem üzäklärennän Ädirnä Törkiyä olimpiada äzerlek üzägendä törek köräş cıyılma komandası belän êşli. Geeta Phogat Awrupa häm dönya çempionatları aldınnan törek köräşçeläre belän äzerlänüneñ üze öçen zur östenlek buluın belderde.