Törek matbuğatına küzätü 19.02.2019
19nçı fevral’ könne basılıp çıqqan qayber törek gazetlarına küzätü
“Sabah” gazetı: “Ärdoğannan möhim açıqlawlar”
İlbaşı Räcäp Tayyip Ärdoğan, Törkiyäneñ çikläreneñ töbendä terror oyışuına küz yommayaçağın belderep, nindi bäyä genä bulmasın, terror koridorın cimeräçäklären äytte. İlbaşı Ärdoğan kiçä Burdur Cömhüriyät mäydanındağı çığışında, Süriyäneñ tön’yağında Amerika Quşma Ştatları belän bergä könbatış illäreneñ yaqlawı belän “YPG/PKK” separatist terror oyışması qullanılıp oyıştırılırğa telängän terror koridorına tuqtalıp uzıp: “Törkiyä çikläreneñ töbendä terror oyışuına küzen yommayaçaq, rizalıq kürsätmäyäçäk”, - dip äytte.
“Xäbär Türk” gazetı: “Kuşadasına yılnıñ berençe kruiz köymäse kilep tuqtadı”
Aydınnıñ Kuşadası ilçäsenä 2019nçı yıl sezonınıñ berençe kruiz köymäse kilep citte. 107 könlek dönya turı qısalarında Kuşadasına kilgän Bagama bayraqlı “Black Watch” kruiz köymäsendä 550 yulçı bar. Kiçä kiçke säğätlärgä qadär Kuşadasında qalğan köymä soñınnan yulçıları belän İtaliyanıñ Napoli portına xäräkät itte.
“Watan” gazetı: “THYdän tağın ber başlanğıç”
Törek hawa yulları (THY), Kongo Cömhüriyäteneñ Pointe-Noire häm Nigeriyanıñ Port Harkourt şähärlärenä daimi säfär başlatıluı qararına kilüen xäbär itte. Törek hawa yullarınıñ cämäğätçelekne yaqtırtu platformasında urnaşqan belderüendä: "Urtaqlığıbıznıñ idarä şurası tarafınnan bazar şartlarına bäyle bularaq Kongo Cömhüriyäteneñ Pointe-Noire häm Nigeriyanıñ Port Harkourt şähärlärenä daimi säfär başlatıluı qararı qabul itelde”, - dip äytelde.
“Yäni Şafak” gazetı: “Çit il keşesenä toraq satuda ğinwar ayı rekordı”
Çit il keşeläreneñ yılnıñ berençe ayında alğan 3 meñ 168 toraq çit il keşesenä satu külämendä tarixnıñ iñ yaxşı ğinwar (ğıynvar’) sanı bularaq terkälde. Törkiyä statistika oyışması (TÜİK) 2019nçı yılnıñ ğinwar (ğıynvar’) ayı toraq satuların açıqladı. Çit il keşelärenä satılğan toraqlar monnan aldağı yılnıñ şul uq ayına qarağanda 81,9%qa artıp, 3 meñ 168 buldı. İl watandaşlığına qaralğan çaqta iñ küp toraq satuı Ğiraq (Ğıyraq) watandaşlarına yasaldı. Ğinwar (ğıynvar’) ayında Ğiraq (Ğıyraq) watandaşları Törkiyädän 605 toraq satıp aldı. Ğiraqtan soñ 305 toraq belän İran, 195 toraq belän Rusiyä, 191 toraq belän Äfğanstan häm 151 toraq belän Yordaniya kilä.
“Xörriyät” gazetı: “İdil Birät Soçidä konśert quyaçaq”
Däwlät sänğätçese, tanılğan pianist İdil Birät Rusiyäneñ Soçi şähärendä oyıştırılğan Xalıqara sänğät festivaleneñ yomğaqlaw konśertında muzıka yaratuçılar belän oçraşaçaq. 24nçe fevral’dä quyılaçaq konśertta pianist Birät Yuri Başmet citäkçelegendäge Rusiyä simfoniya orkestrı belän “Raxmaninov pianino konśertı”n başqaraçaq.
